ព្រះបរមរាជវាំងប្រកាសដំណឹង សម្តេចចៅហ្វាវាំង គង់ សំអុល បានទទួលមរណភាព ក្នុងជន្មាយុ ៩៤ ឆ្នាំ

នៅថ្ងៃទី ២ ខែកញ្ញា ឆ្នាំ ២០២៤ នេះ ក្រសួងព្រះបរមរាជវាំង បានជូនដំណឹងមរណភាព សម្តេចចៅហ្វាវាំង គង់ សំអុល ឧបនាយករដ្ឋមន្រ្តី រដ្ឋមន្រ្តីក្រសួងព្រះបរមរាជវាំង បានទទួលមរណភាព ក្នុងជន្មាយុ ៩៤ ឆ្នាំ ដោយជរាពាធ នៅថ្ងៃទី ០២ ខែកញ្ញា ឆ្នាំ ២០២៤ វេលាម៉ោង ៨ៈ៣៥ នាទីព្រឹក។

តាមប្រភពបានឱ្យដឹងថា សពសម្តេចចៅហ្វាវាំង វរវៀងជ័យ អធិបតីស្រឹង្គារ គង់ សំអុល ត្រូវបានតម្កល់ដើម្បីប្រារព្ធពិធីបុណ្យតាមប្រពៃណីសាសនា នៅគេហដ្ឋាននៃសពស្ថិតនៅផ្ទះលេខ ៨៣ ផ្លូវសុកហុក (១០៧) កែងនឹងវិថីហ្សូសិបប្រូសទីតូ (២១៤) សង្កាត់បឹងព្រលិត ខណ្ឌ៧មករា រាជធានីភ្នំពេញ។

ដំណឹងមរណភាពនេះ បានធ្វើឱ្យមហាជនខ្មែរមានភាពភ្ញាក់ផ្អើលយ៉ាងខ្លាំង ហើយជាមួយគ្នានេះមហាជនខ្មែរបានចូលរួមសម្តែងមរណទុក្ខដ៏ក្រៀមក្រំនេះចំពោះក្រុមគ្រួសារសពផងដែរ៕

សូមអានសេចក្ដីលម្អិតនៅខាងក្រោម ៖