មកនៅជាមួយគេហើយ មិនដឹងគុណគេទៀត! បែកគំនិតខ្ចីម៉ូតូ ទៅចម្លងសោ ពេលម្ចាស់ភ្លេចខ្លួន លួចយកទៅ បានតែមួយថ្ងៃជាប់ខ្នោះ

ខេត្តកណ្តាល ៖ បុរសម្នាក់ត្រូវ សមត្ថកិច្ចចាន់វាយខ្នោះ ក្រោយស្នាក់នៅជាមួយជនរងគ្រោះអស់ជាងមួយឆ្នាំ ធ្វើអោយគេទុកចិត្ត ស្រាប់តែបែកគំនិតខ្ចីម៉ូតូជនរងគ្រោះ យកទៅចម្លងសោ ហើយឆ្លៀតពេលជនរងគ្រោះភ្លេចខ្លួន ក៏លួចយកទៅបាត់ បានតែមួយថ្ងៃ ត្រូវសមត្ថកិច្ចក្របួចជាប់។ ជនរងគ្រោះឈ្មោះ ឌី ចាន់ថន ភេទស្រី អាយុ៣២ឆ្នាំ មុខរបរកម្មករសំណង់ មានទីលំនៅភូមិកំពង់សំណាញ់១ សង្កាត់កំពង់សំណាញ់ ក្រុងតាខ្មៅ ខេត្តកណ្តាល។ ចំណែកជនសង្ស័យឈ្មោះ ឡុង ឌីណា ភេទប្រុស អាយុ៤៧ឆ្នាំ ជនជាតិខ្មែរ មានទីលំនៅភូមិត្រពាំងឃ្លាំង ឃុំត្រពាំងឃ្លាំង ស្រុកឈូក ខេត្តកំពត មុខរបរ៖កម្មករសំណង់ (ឃាត់ខ្លួន)។ ម៉ូតូដែលបុរសនេះ លួច ម៉ាកហុងដា សេ125 ពណ៌ខ្មៅ ផ្លាកលេខភ្នំពេញ 1JV-3987។
បច្ចុប្បន្នជនសង្ស័យបានឃាត់ខ្លួនបណ្តោះអាសន្ននៅអធិការដ្ឋាននគរបាលក្រុងតាខ្មៅ៕