មោទកភាពជាតិខ្មែរ! វណ្ណដា ចូលរួមសម្ដែងក្នុងព្រឹត្តិការណ៍បិទកីឡាអូឡាំពិក នៅប៉ារីស ដោយឡើងច្រៀងបទ Time To Rise (មានវីដេអូ)

ប៉ារីស៖ កាលពីយប់ថ្ងៃអាទិត្យ ថ្ងៃទី១១ខែសីហាកន្លងទៅនេះ កម្មវិធីបិទកីឡាអូឡាំពិករដូវក្ដៅ ឆ្នាំ២០២៤ ធ្វើឡើងនាទីក្រុងប៉ារីស ត្រូវធ្វើឡើងយ៉ាងអធឹកអធមបំផុត ដែលមានការចូលរួមសម្ដែងដោយសិល្បករជាច្រើន។

អ្វីដែលគួរឲ្យមោទកភាពបំផុតនោះគឺ វណ្ណដា (VannDa) ជាតារារ៉េបដ៏ល្បីល្បាញម្នាក់ក្នុងប្រទេសកម្ពុជាយើង បានលេចមុខលើឆាកតន្ត្រី នាកម្មវិធីបិទកីឡាអូឡាំពិកឆ្នាំ២០២៤នេះ។

ក្នុងនោះ វណ្ណដា បានច្រៀងបទឆ្លុះបញ្ចាំងពីវប្បធម៌ខ្មែរគឺបទ “Time To Rise” ដោយបានស្លៀកសម្លៀកបំពាក់បុរាណ កាត់ដេរយ៉ាងស្រស់ស្អាតពណ៌ខ្មៅ បានឈរនៅលើឆាកតន្ត្រីអន្តរជាតិយ៉ាងមានមោទកភាពបំផុត។

បន្ទាប់ពីបានឃើញវីដេអូវណ្ណដាបានបង្ហើរសំនៀងហើយ អ្នកគាំទ្រក៏ដូចជាប្រជាជនកម្ពុជាមានការរំភើបសាទរនូវវត្តមានរបស់វណ្ណដា ដែលបាននាំយកវប្បធម៌ដ៏ត្រចះត្រចង់របស់ខ្មែរ ទៅបង្ហាញនៅលើឆាកអន្តរជាតិ៕