កម្លាំងប៉ុស្តិ៍នគរបាលរដ្ឋបាលដង្កោ បានធ្វើការស្រាវជ្រាវឃាត់ខ្លួនជនសង្ស័យចំនួន០២នាក់ ពាក់ព័ន្ធករណីលួចដែក និងរក្សាទុកដោយខុសច្បាប់ នូវសារធាតុញៀន

នៅថ្ងៃទី២៦ ខែតុលា ឆ្នាំ២០២៣ វេលាម៉ោង១០និង០០នាទី បន្ទាប់ពីទទួលព័ត៌មានពីប្រជាពលរដ្ឋមានជនសង្ស័យ កំពុងធ្វើសកម្មភាពផ្លោះរបងចូលផ្ទះប្រជាពលរដ្ឋ កម្លាំងប៉ុស្តិ៍នគរបាលរដ្ឋបាលដង្កោ បានធ្វើការស្រាវជ្រាវឃាត់ខ្លួនជនសង្ស័យចំនួន០២នាក់ នៅចំណុចភូមិតាឡី សង្កាត់ដង្កោ ខណ្ឌដង្កោ រាជធានីភ្នំពេញ ពាក់ព័ន្ធករណីលួចដែក និងរក្សាទុកដោយខុសច្បាប់ នូវសារធាតុញៀន ប្រព្រឹត្តល្មើសកាលពីថ្ងៃទី២៣ ខែតុលា ឆ្នាំ២០២៣ វេលាម៉ោង២២និង៣០នាទី នៅចំណុចផ្ទះគ្មានលេខ ផ្លូវបេតុង ស្ថិតនៅ ភូមិតាឡី សង្កាត់ដង្កោ ខណ្ឌដង្កោ រាជធានីភ្នំពេញ។

ឃាត់ខ្លួនជនសង្ស័យចំនួន០២នាក់៖ ឈ្មោះ នួន លីម ភេទប្រុស និងឈ្មោះ បូ សុខឃួន ភេទប្រុស ស្នាក់នៅចំណុចផ្ទះ គ្មានលេខ ផ្លូវលំ ភូមិតាឡី សង្កាត់ដង្កោ ខណ្ឌដង្កោ រាជធានីភ្នំពេញ។

វត្ថុតាងដកហូត៖ ក្រាមពណ៌សថ្លា ចំនួន១២កញ្ចប់ថង់ (តូច ចំនួន១១កញ្ចប់ថង់, ធំល្មម ចំនួន០១កញ្ចប់ថង់), កាបូបស្ពាយពណ៌ក្រហម ចំនួន០១ ជារបស់ជនសង្ស័យឈ្មោះ នួន លីម។

បច្ចុប្បន្នជនសង្ស័យ និងវត្ថុតាង កំពុងឃាត់ខ្លួនជាបណ្តោះអាសន្ននៅប៉ុស្តិ៍នគរបាលរដ្ឋបាលដង្កោ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធី៕