តារាចម្រៀងស្រី រ៉ាប៊ី បារម្ភយ៉ាងខ្លាំងពេលឃើញ Nick Taylor រងរបួសនៅក្នុងការប្រកួត(វីដេអូ)

ទំនាក់ទំនងរវាងតារាចម្រៀងស្រី រ៉ាប៊ី និង Nick Taylor ស្របពេលកំពុងស្ថិតក្នុងដំណាក់កាលទាក់ទងមើលចិត្តគ្នាចាស់ទុំដឹងឮ ឃើញថាអ្នកទាំងពីរកាន់តែបង្ហាញពីសកម្មភាពសិ្នទ្ធស្នាល និង ផ្អែមល្ហែមជាបន្តបន្ទាប់ ធ្វើឱ្យមហាជនចាប់អារម្មណ៍កាន់តែខ្លាំង និង រំភើបជំនួសអ្នកទាំងពីរ។

ពិតណាស់ កន្លងមក កញ្ញា រ៉ាប៊ី និង លោក Nick Taylor តែងធ្វើឱ្យអ្នកគាំទ្រទាំងវិស័យចម្រៀង និង វិស័យកីឡាបាល់ទាត់ ចាប់អារម្មណ៍ និង រំភើបជំនួស ខណៈបានឃើញសកម្មភាពរបស់ រ៉ាប៊ី ទៅគាំទ្រ Nick Taylor ដោយផ្ទាល់នៅកន្លែងទាត់បាល់ ព្រមទាំងបង្ហាញការផ្ដល់កម្លាំងចិត្តយ៉ាងផ្អែមល្ហែម។

យ៉ាងណាមិញ ថ្មីៗនេះដែរ Nick Taylor ទើបតែបានប្រកួតបាល់ទាត់ជាមួយនឹង ក្រុមកីឡាបាល់ទាត់របស់ប្រទេសឡាវ និង ក្រោយការប្រកួតមានរបួសជាដំណំ រហូតមានរបួសស្លឹកត្រចៀក ជាំសាច់នៅលើខ្លួនជាច្រើនកន្លែង ធ្វើឱ្យមិត្តស្រី គឺកញ្ញា រ៉ាប៊ី បារម្ភយ៉ាងខ្លាំង។

តាមរយៈវីដេអូបង្ហោះលើគណនី Tik Tok ខាងស្រី បានរៀបរាប់ និង បង្ហាញអារម្មណ៍ព្រួយបារម្ភយ៉ាងខ្លាំងទៅកាន់មិត្តប្រុស គឺលោក Nick Taylor ជាកីឡាបាល់ទាត់ ព្រោះរាល់ពេលប្រកួតម្តងៗរមែងមានរបួសជានិច្ច។

ក្នុងនោះដែរ មហាជនហាក់នៅមិនស្រណុក លួចញញឹមដល់គូស្នេហ៍របស់តារាចម្រៀង និង កីឡាករបាល់ទាត់ទាំង ២ រូប ខាងលើ ដែលមើលទៅពិតជាផ្អែមល្ហែមពោរពេញដោយក្តីស្រឡាញ់ និង ក្តីបារម្ភពីគ្នាណាស់៕

សូមចូលទីនេះ ដើម្បីទស្សនាវីដេអូ៖