ឆក់កាបូបមិនបានសម្រេច ជិះម៉ូតូ គេចខ្លួនទៅបុកម៉ូតូមួយគ្រឿងទៀតពេញទំហឹង

ភ្នំពេញ ៖ ជនសង្ស័យ ម្នាក់ ត្រូវ បាន សមត្ថកិច្ច ចាប់ ឃាត់ ខ្លួន បន្ទាប់ ពី ធ្វើ សកម្មភាព ឆក់ កាបូប ស្ពាយ ពី ជនបរទេស មិន បាន សម្រេច ព្យាយាម ជិះ ម៉ូតូ គេចខ្លួន តែ បែរជា ទៅបុក ម៉ូតូ មួយ គ្រឿង ទៀត ពេញទំហឹង ។ ហេតុការណ៍ នោះបាន កេីតឡេីង កាលពី វេលា ម៉ោង ១២និង៤០នាទីរំលង ថ្ងៃទី ២៧ខែតុលា ឆ្នាំ ២០២៣ត្រង់ ចំណុច ខាងមុខ សកលវិទ្យាល័យ ភូមិន្ទ ភ្នំពេញ តាមបណ្ដោយ ផ្លូវ សហព័ន្ធ រុស្ស៊ី ក្នុង សង្កាត់ ទឹកល្អក់ ទី ១ ខណ្ឌ ទួល គោក ។

ជនសង្ស័យ មាន ឈ្មោះ ផាន វារះ អាយុ ២៣ឆ្នាំ មុខរបរ និង ស្នាក់ នៅ មិន ពិត ប្រាកដ ។

តាមប្រភព ព័ត៌មាន ពី កន្លែង កេីតហេតុ បានឲ្យ ដឹង ថា នៅមុន ពេល កេីតហេតុ គេឃេីញ បុរស ជាជនបរទេស ម្នាក់ បាន ដេីរ ថ្មើរ តាមបណ្ដោយ ផ្លូវ សហព័ន្ធ រុស្ស៊ី ទិសដៅ ពី កេីតទៅលិច ។ លុះដល់ចំណុច កេីតហេតុ ក៏លេចមុខ ជនសង្ស័យ ម្នាក់ ជិះ ម៉ូតូ ម៉ូតូមួយគ្រឿង ម៉ាក ហុង ដា ឌ្រីម ស៊េរី ឆ្នាំ ២០២៣ ពណ៌ខ្មៅ ពាក់ស្លាកលេខ ភ្នំពេញ 1KG-9091។ បាន ជិះ តាមបណ្ដោយ ផ្លូវ សហព័ន្ធ រុស្ស៊ី ទិសដៅ ពី កេីតទៅលិច បញ្រ្ចាស ទិសដៅ ចរាចរណ៍ និង តាមពី ក្រោយ ជន បរទេស ។ រួចក៏ បាន ធ្វើ សកម្មភាព ឆក់ កាបូប លុយ ពី ជនរងគ្រោះ ជា ជនបរទេស ដែល ស្ពាយ និង ខ្លួន តែ មិន បាន សម្រេច ។ ហេីយជនរងគ្រោះ បាន ស្រែក ឆោឡោ ធ្វើ ឲ្យ ជនសង្ស័យ ភ័យ ស្លន់ស្លោ ព្យាយាម ជិះ ម៉ូតូ គេចខ្លួន ទាំង បញ្ច្រាស ទិស ដៅ ចរាចរណ៍ ។ រួចក៏ ជ្រុល ទៅ បុក ចំពីមុខ ម៉ូតូ មួយគ្រឿង ទៀត ម៉ាក PCX ពណ៌ខ្មៅ ពាក់ស្លាកលេខ ភ្នំពេញ 1HI-6222។ ដែលជិះដោយ បុរស ម្នាក់ ក្នុង ទិសដៅ ស្រប ទិសគ្នា ។ បណ្ដោយ ឲ្យ ម៉ូតូ ទាំងពីរ គ្រឿង រងការខូចខាត យ៉ាង ដំណំ និង ជនសង្ស័យ បាន សន្លប់ ស្ដូកស្ដឹង មួយ ស្ទុះ ក៏ ដឹង ខ្លួន ឡេីង វិញ ។ បន្ទាប់ មក ក៏មាន សមត្ថកិច្ច មូលដ្ឋាន ចុះមក ធ្វើការ អន្តរាគមន៍ ភ្លាមៗ ។

ក្រោយ ពេល កេីតហេតុ ជនសង្ស័យ រួមទាំង វត្ថុ តាំង ត្រូវ បាន សមត្ថកិច្ច នាំខ្លួន យក ទៅ ធ្វេី ការ សាកសួរ នៅប៉ុស្តិ៍ នគរបាល រដ្ឋបាល ទឹក ល្អក់ ទី ១ ដេីម្បី កសាង សំណុំ រឿង ចាត់ការ ទៅ តាម និតិវិធីច្បាប់ជាបន្ត ទៀត ៕