ក្រុមរុករកឧទ្ធម្ភាគចក្រ ប្រទះឃើញដំរួយមែកឈើទើបបាក់ថ្មីៗនៅក្នុងព្រៃ(វីដេអូ)
គិតត្រឹមថ្ងៃទី ១៨ ខែកក្កដា ឆ្នាំ ២០២៤ នេះ ជាថ្ងៃទី ៦ ហើយក្នុងប្រតិបត្តិការរុករកឧទ្ធម្ភាគចក្រដែលបានបាត់ការទាក់ទង ពុំទាន់រកឃើញនៅឡើយ ដោយសារតែកត្តាភូមិសាស្ត្រនៅតំបន់នោះមានភាពស្មុគស្មាញ ដូចជាបញ្ហាអាកាសធាតុ និង ព្រៃក្រាស់ជាដើម ខណៈកងកម្លាំងនៅតែបន្តខិតខំ និង ប្តេជ្ញាចិត្តយ៉ាងមោះមុតក្នុងការរុករកនេះ។
ជាក់ស្ដែងបើតាមគណនី TikTok មួយដែលមានឈ្មោះ Bong Gee បានបង្ហោះវីដេអូអំពីទិដ្ឋភាពពីលើអាកាសក្នុងប្រតិបត្តិការរុករក ឧទ្ធម្ភាគចក្រ និងមនុស្ស ២ នាក់ដែលបានបាត់ការទាក់ទង ដែលក្នុងនោះបានបង្ហាញពីទិដ្ឋភាពមានមែកឈើមួយដើមក្នុងព្រៃបានបាក់ ព្រមទាំងបញ្ជាក់នៅលើវីដេអូថា លោកបានព្យាយាមចូលទៅជិតហើយ ឆ្លើយតបទៅនឹងការផ្ដល់មតិរបស់គណនីមួយដែលបានខំមិនថា ៖ «បើឃើញកន្លែងបាក់មែកឈើ ចុះមើលឱ្យទាបទៅបង ព្រោះព្រៃហ្នឹងស្តុកខ្លាំងណាស់»។
ជាក់ស្ដែងបើតាមគណនី TikTok មួយដែលមានឈ្មោះ Bong Gee បានបង្ហោះវីដេអូអំពីទិដ្ឋភាពពីលើអាកាសក្នុងប្រតិបត្តិការរុករក ឧទ្ធម្ភាគចក្រ និងមនុស្ស ២ នាក់ដែលបានបាត់ការទាក់ទង ដែលក្នុងនោះបានបង្ហាញពីទិដ្ឋភាពមានមែកឈើមួយដើមក្នុងព្រៃបានបាក់ ព្រមទាំងបញ្ជាក់នៅលើវីដេអូថា លោកបានព្យាយាមចូលទៅជិតហើយ ឆ្លើយតបទៅនឹងការផ្ដល់មតិរបស់គណនីមួយដែលបានខំមិនថា ៖ «បើឃើញកន្លែងបាក់មែកឈើ ចុះមើលឱ្យទាបទៅបង ព្រោះព្រៃហ្នឹងស្តុកខ្លាំងណាស់»។
សូមរំឭកផងដែរថា នៅថ្ងៃទី ១៣ ខែកក្កដា ឆ្នាំ ២០២៤ ក្រសួងការពារជាតិ បានជូនដំណឹងឱ្យបានដឹងថា ឧទ្ធម្ភាគចក្រមួយគ្រឿងបានបាត់ការទាក់ទងពីទីបញ្ជាការទ័ពអាកាស ក្នុងភូមិសាស្រ្តជួរភ្នំក្រវាញ ខេត្តពោធិ៍សាត់ និង ខេត្តកោះកុង កាលពីថ្ងៃទី ១២ ខែកក្កដា ឆ្នាំ ២០២៤ ដែលមកទល់ពេលនេះកំពុងស្ថិតនៅក្នុងការរុករកជួយសង្រ្គោះនៅឡើយ ហើយសមាសភាពនៅក្នុងឧទ្ធម្ភាគចក្រនោះ មានចំនួន ២ នាក់ គឺអ្នកបើកបរ ១ នាក់ និង ជំនួយការបើកបរ ១ នាក់៕
សូមចុចទីនេះដើម្បីទស្សនាវីដេអូ
