បារមី ប្រកាសលក្ខន្តិកៈដាច់ខាតប៉ុន្មានចំណុច ចំពោះបេក្ខជនដែលចង់ចូលប្រឡង The Rapper Cambodia រដូវកាលទី ២
បើគិតមកដល់ពេលនេះរយៈជាងកន្លះឆ្នាំមកហើយ ដែលកម្មវិធី The Rapper Cambodia រដូវកាលទី ១ បានបញ្ចប់ និង ស្វែងរកឃើញម្ចាស់ពានរដូវកាលដំបូង គឺបានទៅលើ យូហៃ។
យ៉ាងណាមិញ កាលពីថ្ងៃទី ១៧ ខែកក្កដា ឆ្នាំ ២០២៤ កន្លងទៅ ផលិតកម្មបារមី និង ផលិតកម្មភ្លើងគុប ដែលជាផលិតករកម្មវិធីខាងលើ បានប្រកាសជាផ្លូវការនៃការឈានមកដល់នៃកម្មវិធី The Rapper Cambodia រដូវកាលទី ២ ហើយ។
អ្វីដែលមហាជនកំពុងចាប់អារម្មណ៍នោះដែរ ផលិតកម្មបារមី និង ផលិតកម្មភ្លើងគុប បានបញ្ជាក់ក្នុងសេចក្តីជូនដំណឹងថា លក្ខន្តិកៈនៃភាពផ្តាច់មុខរបស់កម្មវិធីខាងលើ បេក្ខភាពដែលមានបំណងចង់ចូលរួមប្រកួត The Rapper Cambodia រដូវកាលទី ២ ត្រូវជាបេក្ខភាពដែលមិនបាន ឬ កំពុងដាក់ពាក្យសម្រាប់កម្មវិធីប្រឡងរ៉េប ឬ ការបង្ហាញមុខក្នុងកម្មវិធីទូរទស្សន៍ប្រភេទរ៉េបផ្សេងទៀត ដែលមានលក្ខណៈស្រដៀងគ្នា៕
