ណុប បាយ៉ារិទ្ធ បានបង្ហើបពីអត្តចរិតរបស់តារាចម្រៀង ហ្សូណូ ឱ្យមហាជនបានដឹងតាមរយៈការបង្ហោះលើគណនីហ្វេសប៊ុកថា

បើនិយាយដល់ឈ្មោះ ណុប បាយ៉ារិទ្ធ ប្រិយមិត្តដែលស្រឡាញ់គាំទ្រវិស័យចម្រៀងនៅស្រុកខ្មែរប្រាកដជាស្គាល់មិនខាន ដោយលោកគឺជាតារាចម្រៀងរៀមច្បងមួយរូប ដែលជ្រកកោនក្នុងផលិតកម្មរស្មីហង្សមាសច្រើនឆ្នាំមកហើយ។

ងាកមកលោក ហ្សូណូ វិញ ក៏គេចាត់ទុកលោកគឺជារៀមច្បងពោរពេញដោយបទពិសោធផ្នែកសិល្បៈដ៏មានឥទ្ធិពលមួយរូប ដោយលោកមិនត្រឹមតែជាតារាចម្រៀង មានទឹកដមសំឡេងពីរោះបំពេអារម្មណ៍អ្នកស្ដាប់ទេ តែតារាប្រុសរូបនេះក៏មានទេពកោសល្យផ្នែកសិល្បៈសម្ដែងយ៉ាងប៉ុនប្រសប់ដែរ។

ជាការពិត មិនថាលោក ណុប បាយ៉ារិទ្ធ និង លោក ហ្សូណូ ទេ តារាចម្រៀងទាំងពីររូបនេះ សុទ្ធតែជារៀមច្បងមានបទពិសោធច្រើនឆ្នាំក្នុងវិស័យចម្រៀង មិនតែប៉ុណ្ណោះ អ្នកទាំងពីរក៏ជ្រកក្រោមផលិតកម្មរស្មីហង្សមាសដូចគ្នា រាប់ឆ្នាំមកហើយ។ តែទោះជាយ៉ាងណា ដោយសារការងារមមាញឹករៀងៗខ្លួន ដូច្នេះកន្លងមក គេពុំសូវឃើញតារាប្រុសទាំងពីរ បង្ហាញភាពស្និទ្ធស្នាលនឹងគ្នាណាស់។

ទើបតែថ្មីៗនេះ ណុប បាយ៉ារិទ្ធ បានបង្ហើបពីអត្តចរិតរបស់តារាចម្រៀង ហ្សូណូ ឱ្យមហាជនបានដឹងតាមរយៈការបង្ហោះលើគណនីហ្វេសប៊ុកថា ៖ «អរគុណប្អូនប្រុស Ke Sovannareth ហ្សូណូ ជានិច្ចគ្រប់ពេលដែលជួបគ្នា តែងតែចែក​រំលែក​ក្តី​ស្រឡាញ់ រឿងរ៉ាវល្អៗ ប្អូនជាមនុស្សដែលមានបេះដូងបរិសុទ្ធគួរឱ្យសរសើរ»៕