កំពុងផ្ទុះការចាប់អារម្មណ៍! កូនខ្មែរសូនរូប Golden Boy ពីស៊ីម៉ងត៍ដូចរបស់បុរាណពិតៗ

មហាជនអ្នកប្រើប្រាស់បណ្ដាញសង្គម បាននាំគ្នាផ្ទុះការចាប់អារម្មណ៍ និងស្ងើចសរសើរព្រោងព្រាត បន្ទាប់ពីបានឃើញទឹកដៃប្រកបទៅដោយទេពកោសល្យរបស់កូនខ្មែរមួយរូប ដែលលោកបានដាប់ឆ្លាប់រំលេចរូបចម្លាក់ Golden Boy ប្រកបទៅដោយក្បូរក្បាច់រចនាល្អវិចិត្រប្រណីតក្រៃលែង។

រូបចម្លាក់ដែលកំពុងផ្ទុះការចែករំលែកព្រោងព្រាត និងស្ងើចសរសើរពេញបណ្ដាញសង្គមនេះ ត្រូវបានឆ្លាក់ និងបង្ហោះដោយគណនីដែលមានឈ្មោះ Phearun Set បង្ហាញពីរូបចម្លាក់ Golden Boy ស្រោបទៅដោយពណ៌មាសឆ្អិនឆ្អៅ ពីលើចម្លាក់រចនាមុខមាត់រូបរាងរលោងស្រិល មានក្បូរក្បាច់រចនាប្រកបទៅដោយក្បួនខ្នាត សមសួននេត្រា គួរឱ្យស្ងើចសរសើរក្រៃលែង។

គួរឱ្យដឹងផងដែរថា រូបចម្លាក់ដែលគេឱ្យរហ័សនាមថា Golden Boy ត្រូវបានអ្នកបុរាណវិទ្យាទូទៅសន្និដ្ឋានថា ជាចម្លាក់បុរាណខ្មែររចនាប័ទ្មបាពួន មានកម្ពស់១.១ ម៉ែត្រ សាងអំពីសំរិទ្ធបិតមាស ដោយសារមន្ទីរ Metropolitan ឱ្យុជាទិន្នន័យថា ចម្លាក់នេះមានប្រភពមកពី ខេត្តសៀមរាប នៃប្រទេសកម្ពុជា ដែលបច្ចុប្បន្នត្រូវបានប្រទេសថៃទាមទារក្ដីបានសម្រេចយកទៅតម្កល់នៅសារមន្ទីរប្រទេសថៃ នៅថ្ងៃទី ២០ ខែឧសភា ឆ្នាំ ២០២៤៕