រថយន្តតូយ៉ូតាមួយគ្រឿងបើកបរសុខៗសង្ស័យឆ្លងចរន្តឆេះប្រជាពលរដ្ឋនាំគ្នាយកបំពង់ពន្លត់អគ្គិភ័យបាញ់រលត់ភ្លាមៗ

ភ្នំពេញ: បុរសជនជាតិចិនម្នាក់បើកបររថយន្តស្លាកលេខភ្នំពេញ2BP-9658 បើកបរធ្វើដំណើរក្នុងទិសដៅពីកើតទៅលិចក្នុងល្បឿនមធ្យម ពេលមេឃកំពុងធ្លាក់ភ្លៀងស្រាប់តែឆ្លងចរន្តខ្សែភ្លើងបណ្ដាលឲ្យឆាបឆេះផ្អើលប្រជាពលរដ្ឋនាំគ្នាយកបំពង់ពន្លត់អគ្គិភ័យមកបាញ់រលត់អស់ភ្លាមៗ ។ ហេតុការណ៍នេះបង្កឲ្យមានការភ្ញាក់ផ្អើលនៅវេលាម៉ោង១០យប់ថ្ងៃទី៩ ខែកក្កដា ឆ្នាំ២០២៤ស្ថិតនៅតាមបណ្ដោយផ្លូវវេងស្រេង ទល់មុខនិងរោងចក្រកាណាឌីយ៉ា ភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ។
ក្រោយកើតហេតុតៃកុងរថយន្តដែលជនជាតិចិនខាងលើបានហៅម៉ូតូកង់បីជិះចេញទៅបាត់ដោយទុករថយន្តចោលនៅលើជញ្ចើមផ្លូវ៕