ស្រីស្រស់ ហ្វា ហ្វា តុបតែងខ្លួនជានារីជនជាតិ ឈរថតនៅលើផ្ទាំងថ្ម ស្ដែងពីទេសភាពដ៏ស្រស់ត្រកាលនៃសមុទ្រខេត្តព្រះសីហនុ របស់កម្ពុជាយើង

ស្ទើរតែរាល់ពេលដែលស្រីស្អាត ហ្វា ហ្វា រំលេចខ្លួនបង្ហោះរូបភាពលើគណនីហ្វេសប៊ុកម្ដងៗ តែងទទួលបានការចាប់អារម្មណ៍ និង មតិលើកឡើងពីភាពស្រស់ស្អាត មុខមាត់ស្រស់ពព្រាយ ក៏ដូចជារូបរាងតូចស្រឡូនស្អាត ចង្កេះមួយក្ដាប់របស់នាង។

អាចនិយាយថាបាន ហ្វា ហ្វា ជាសិល្បការិនីដែលនិមលតុបតែងខ្លួន និង ស្លៀកពាក់តាមបែបនារីសម័យថ្មី ដោយស្រីស្រស់រូបនេះ តែងបង្ហាញខ្លួនជាមួយឈុតសិចស៊ីបញ្ចេញសាច់ខ្ចីជាញឹកញាប់ តែម្ដងម្កាល តារាស្រីរូបនេះ ក៏រំលេចខ្លួនក្នុងសម្លៀកបំពាក់ប្រពៃណីខ្មែរយ៉ាងសមសួនថ្លៃថ្នូរផងដែរ។

បើរំឭកដល់ការតុបតែងខ្លួនប្លែក ថ្មីៗនេះ ហ្វា ហ្វា បានបង្ហាញរូបភាពជាច្រើនសន្លឹកនៅលើគណនីហ្វេសប៊ុក ជាមួយការតុបតែងខ្លួនជានារីជនជាតិ ឈរថតនៅលើផ្ទាំងថ្ម ស្ដែងពីទេសភាពដ៏ស្រស់ត្រកាលនៃសមុទ្រខេត្តព្រះសីហនុ របស់កម្ពុជាយើង។

ក្រៅពីផ្ដិតយករូបភាពស្អាត ហើយបង្ហោះចែកចាយលើបណ្ដាញសង្គម ស្រីស្រស់ ហ្វា ហ្វា ក៏បានលើកឡើងថា នេះជាសកម្មភាពមួយផ្នែកដើម្បីចូលរួមជួយផ្សព្វផ្សាយតំបន់ទេសចរណ៍ដ៏ល្អប្រណីតរបស់ខ្មែរ ឱ្យអន្តរជាតិបានស្គាល់កាន់តែទូលំទូលាយ៕