អ៊ីណូ ផ្ដាំចំៗទៅ Super Star ពូកែនិយាយដើមគេ ប្រយ័ត្នធ្លាក់កូដពេលហ្វេនដឹងចរិត

ជារឿងដ៏ភ្ញាក់ផ្អើល នៅសុខៗតារាចម្រៀង អ៊ីណូ បានបង្ហោះសារក្ដៅគគុកគួរឱ្យចាប់អារម្មណ៍មួយ ក្នុងអត្ថន័យផ្ដាំផ្ញើដល់ Super Star ដែលមិនបានបញ្ចេញឈ្មោះ ឱ្យប្រយ័ត្នធ្លាក់កូដបើសិនជាអ្នកគាំទ្រស្គាល់ពីចរិតពិត។

ក្នុងនោះ អ៊ីណូ បានរៀបរាប់ថា ៖ «សារជូនក្រុមគ្រួសារ លោក Super Star ចូលចិត្តនិយាយដើម ENO ហើយមិនលើកលែងសូម្បីក្រុមរាំខ្លួនឯងក៏និយាយ… ប្រយ័ត្ន ណូណូ Diss tract ឱ្យផ្អើលពិភពគុន ប្រយ័ត្នធ្លាក់កូដណាពេលហ្វេនស្គាល់ចរិតពិត… លោក Top បែបលោក ខ្ញុំ Top បែបខ្ញុំ គ្រាន់តែបទ (ម៉ោងបាយនឹកអូន) ល្បីជិត ៥ ឆ្នាំ ផ្តួលបទលោកឡើងស្ងាត់ហើយ ខ្ញុំមិនដែលអួតទេ ឬសូម្បីតែគិត…»។

ដ្បិតថាមិនបានបញ្ចេញឈ្មោះ តែ អ៊ីណូ ក៏បានបញ្ជាក់ថា ៖ «ចាំផ្តួល ENO ឱ្យដួលសិនទៅណា ចាំតាំងខ្លួនជា Super Star Top លើស Eno ណូណូ 18 ឆ្នាំហើយ មិនទាន់ស្ងាត់ទេណា ព្រោះប៉ុន្មានឆ្នាំក្រោយនេះ Concert តូចធំអី ENO តើហី ដែលធ្វើឱ្យពុកម៉ែបងប្អូនសប្បាយ ស្រែកហ៊ោកញ្ជ្រៀវ សូម្បី ម្ចាស់ Sponsor ក៏ពេញចិត្ត និង ផ្តល់ការងារច្រើន និង រុញជា Top ភ្លាមៗ តែខ្ញុំមិនដែលគិតថាអួត គឺទុកតែក្នុងចិត្ត ប្រយ័ត្នធ្លាក់កូដ ព្រោះតែសម្តីក្រុមគ្រួសារ ចេក ចត ចេក ចត ហ្នឹងទៅ»៕