ស្រវឹងជោគជាំ បេីករថយន្ត FORD មួយគ្រឿង ក្នុងល្បឿនយ៉ាងលឿន ខ្វះការប្រុងប្រយ័ត្ន ក៏ជ្រុលទៅបុក ឡេីងខឿន ពុះចែក ទ្រូង ផ្លូវ និង បង្គោល បញ្រ្ចាស ទិសដៅ ចរាចរណ៍

ភ្នំពេញ ៖ ស្រវឹង ជោគជាំ បេីករថយន្ត FORD មួយគ្រឿង ក្នុង ល្បឿន យ៉ាងលឿន ខ្វះការប្រុងប្រយ័ត្ន ក៏ជ្រុលទៅបុក ឡេីងខឿន ពុះចែក ទ្រូង ផ្លូវ និង បង្គោល បញ្រ្ចាស ទិសដៅ ចរាចរណ៍ ។ ហេតុការណ៍ នេះ បានកេីត ឡើង កាលពី វេលាម៉ោង ៤និង១០នាទី ទាបភ្លឺ ថ្ងៃ ទី ២៣ខែតុលា ឆ្នាំ ២០២៣ត្រង់ ចំណុចរមណីយដ្ឋានភ្នំដូនពេញ តាមបណ្ដោយ ផ្លូវ ព្រះ នរោត្តម ក្នុងសង្កាត់ វត្ត ភ្នំ ខណ្ឌ ដូនពេញ ។

តាមប្រភព ព័ត៌មាន ពី កន្លែង កេីតហេតុ បានឲ្យ ដឹង ថា នៅមុន ពេល កេីតហេតុ គេឃេីញ បុរស ម្នាក់ ស្រវឹង បេីកបររថយន្ត មួយ គ្រឿង ម៉ាក FORD TERRITORY ពណ៌ស ពាក់ស្លាកលេខ ភ្នំពេញ 2BW-4464។ ដែលធ្វើដំណេីរ តាមបណ្ដោយ ផ្លូវ ព្រះ នរោត្តម ទិសដៅ ពី ត្បូង ទៅ ជើង និងក្នុងល្បឿន យ៉ាង លឿន ។ លុះដល់ចំណុច កេីតហេតុ រថយន្ត នោះ ក៏បាន ជ្រុល រេចង្កូត ទៅបុក ឡេីង ខឿន ពុះចែក ទ្រូង ផ្លូវ ពេញទំហឹង និង បុក បង្គោល បញ្រ្ចាស ទិសដៅ ចរាចរណ៍ បណ្ដាល ឲ្យ បាក់ អស់ មួយ ដេីម ។ ចំណែកឯ រថយន្ត បាន កេីល ជាប់ លេី ខឿន ទៅមុខ លែង រួច រងការខូចខាត បែក កាទ័រម៉ាស៉ីន ហ៊ា ប្រេង ។

ក្រោយពេលកេីតហេតុ សមត្ថកិច្ច មូលដ្ឋាន និងសមត្ថកិច្ចជំនាញ ក៏បាន ចុះធ្វេីការ វាស់វែង ស្ទូច យក រថយន្ត នោះ ទៅ រក្សា ទុក នៅ ការិយាល័យចរាចរណ៍ផ្លូវគោក នៃស្នងការដ្ឋាននរគបាលរាជធានីភ្នំពេញ ដេីម្បីរង់ចាំ ធ្វើការ ដោះស្រាយ ទៅ តាម ផ្លូវ ច្បាប់ នៅពេល ក្រោយ ជា បន្ត ទៀត ៕