ភ្ញាក់ផ្អើល! ទូកទេសចរណ៍ថៃ បុ./កគ្នាលាន់សូរផាំងក្នុងទន្លេចៅផាយ៉ា ដោយទូកមួយបានដាំក្បាលលិចក្នុងទន្លេ(វីដេអូ)

កាលពីថ្ងៃទី ៦ ខែមិថុនា ឆ្នាំ ២០២៤ វេលាម៉ោងជាង ៦ ល្ងាច មានទូកទេសចរណ៍ថៃពីរគ្រឿងកំពុងតែដឹកភ្ញៀវទេសចរជាតិ និង អន្តរជាតិកម្សាន្តអារម្មណ៍ និង គយគន់មើលទេសភាពថ្ងៃលិច បែរជាជួបហេតុការណ៍ដ៏មិននឹកស្មាន ដោយទូកទាំងពីរបានបុកគ្នាមួយទំហឹង ផ្អើលអស់ភ្ញៀវទេសចរជាតិ និង អន្តរជាតិតែម្តង។

ជុំវិញហេតុការណ៍ទូកទេសចរណ៍បុកគ្នានេះដែរ បានបង្កឱ្យទូកដឹកអ្នកទេសចរជនជាតិចិនបានខូចខាតទាំងស្រុង ពិសេស ថែមទាំងលិចចូលទៅក្នុងទឹក ខណៈពេលកើតហេតុ ស្ទើរតែធ្វើឱ្យអ្នកទេសចរណ៍ជួបគ្រោះថ្នាក់ផងដែរ។

ចំណែក អ្នកទេសចរដែលរួមដំណើរមានអ្នករងរបួស ៣ នាក់ ដែលអ្នករងរបួសទាំងនោះសុទ្ធតែជាជនជាតិចិន នេះបើតាមការបញ្ជាក់ពីសារព័ត៌មានក្នុងស្រុករបស់ថៃមួយបានចុះផ្សាយ៕ សូមចុចក្នុង Link ដើម្បីទស្សនាវីដេអូ៖