រាជិនីសំឡេង ម៉េង កែវពេជ្ជតា ក្រោយពីទទួលបានដំណឹងត្រូវជំទាវ ចន ច័ន្ទលក្ខិណា ដាក់ពាក្យបណ្តឹងនោះ ហាក់មានការហួសចិត្ត រហូតបង្ហោះសារទាំងយប់
កាលពីថ្ងៃទី ០៥ ខែមិថុនា ឆ្នាំ ២០២៤ កន្លងទៅ មហាជនមានការភ្ញាក់ផ្អើលយ៉ាងខ្លាំង ក្រោយពីទទួលដំណឹងជំទាវ ចន ច័ន្ទលក្ខិណា បានដាក់ពាក្យបណ្តឹងទៅកាន់រាជិនីសំឡេង ម៉ែង កែវពេជ្ជតា ពីបទ បរិហាកេរ្តិ៍ជាសាធារណ: ជេរប្រមាថជាសាធារណ: សម្លុតកុំឲ្យដាក់ពាក្យបណ្តឹង និងញុះញង់ឲ្យមានការរើសអើង។
យ៉ាងណាមិញ ងាកមកកាន់រាជិនីសំឡេង ម៉េង កែវពេជ្ជតា ក្រោយពីទទួលបានដំណឹងត្រូវជំទាវ ចន ច័ន្ទលក្ខិណា ដាក់ពាក្យបណ្តឹងនោះ ហាក់មានការហួសចិត្ត រហូតបង្ហោះសារទាំងយប់ទៀតផង។
ក្នុងនោះ រាជិនីសំឡេង ម៉េង កែវពេជ្ជតា រៀបរាប់ថា៖ «ធ្វើអញ្ចឹងបានទៀត ? ? ប្តឹងរឿងអី? ប្តឹងមែន ឬក៏ប្តឹង ដើម្បីរំខានខ្ញុំទេ ? ព្រោះបើតាមសាច់រឿងពិត មិនមែនត្រូវប្តឹងខ្ញុំទេ តែត្រូវខ្ញុំប្តឹងវិញបានសម! បងប្អូន ! ភស្តុតាងគេបង្កាច់បង្ខូច ជេរបញ្ចោរខ្ញុំនៅពេញក្នុងដៃ ខ្ញុំទាំងចាស់ទាំងថ្មី។ បើតាមបងប្អូនបានឃើញដែរ តើអ្នកណាជាជនរងគ្រោះពិតប្រាកដទៅបងប្អូន? តែណ្ហើយ ឱ្យគេទៅមុនចុះ ព្រោះចរិតខ្ញុំ អារឿងឈ្លោះអីហ្នឹងខ្ញុំចាំតែដើរតាមក្រោយគេទេ គ្រាន់តែសូមប្រាប់ថា បើខ្ញុំឈានជើងចេញដំណើរហើយ អ្នកឯងកុំស្រែកថាចាំបន្តិច ឬឈប់សិនដូចមុនទៀតឱ្យសោះ!»
បន្ថែមពីនោះ ក្រោពីបានបង្ហាញអារម្មណ៍ហួសចិត្តហើយ អ្នកនាង ម៉េង កែវពេជ្ជតា ក៏បានបន្តថា៖ «តោះបងប្អូនយើងត្រៀមកម្លាំង យ៉ាងណាៗសូមឱ្យដឹងតែម្តងទៅថា ខ្ញុំ ម៉េង កែវពេជ្ជតា ជាសិល្បការនីម្នាក់ ដែលមានស្នាដៃជួយលើកស្ទួយវិស័យសិល្បៈវប្បធម៌ខ្មែរក្បែរ ៤០ ឆ្នាំនេះ ត្រូវបានក្រុមមនុស្សអគតិតាមឈ្នានិស បំផ្លាញក្តិចពន្លកមែកធាង និង តាមធ្វើ ទុក្ខបុកម្នេញគ្រប់រូបភាព បើទោះជាមហាជនបានដឹ ងបានឃើញ បានឮថាពួកគេខុសក៏ដោយ ក៏ពួកគេនៅតែស្រេកឃ្លានការចង់បំផ្លាញនេះមិនឈប់ដែរ ដែលទង្វើនេះ វាសមតែជំនាន់ ប៉ុលពត ទេដែលធ្វើ ព្រោះ ប៉ុល ពត មានគោលការណ៍បំផ្លាញធនធានមនុស្ស ធនធានអប់រំ បើដូច្នេះមែន ខ្ញុំមិនខ្លាចនឹងតតាំងទេ តតាំងឱ្យដឹងសខ្មៅ និង សូមឱ្យសង្គ្រាមនេះក្លាយជាប្រវត្តិសាស្ត្រតែម្តងទៅ»៕
