ទិដ្ឋភាពដ៏សោកសៅ! ព្រឹកមិញ ព្រះមហាក្សត្រថ្វាយព្រះភ្លើងបូជាព្រះបរមស-ពសម្តេចសង្ឃរាជ ទេព វង្ស ឃើញហើយរំជួលចិត្តក្រៃ(វីដេអូ)

នៅព្រឹកថ្ងៃទី ០៣ ខែមិថុនា ឆ្នាំ ២០២៤ ចាប់ពីម៉ោង ០៦:០០ នាទីព្រឹក មានក្បួនដង្ហែព្រះបរមសពសម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជ នៃព្រះរាជាណាចក្រកម្ពុជា ដែលព្រះរាជពិធីដង្ហែបានហែចេញពីវត្តឧណ្ណាលោម ស្ថិតក្នុងសង្កាត់ជ័យជំនះ ខណ្ឌដូនពេញ រហូតដល់ទីតាំងព្រះមេរុ នៅវត្តបុទុមវត្តី។

បន្ទាប់ពីព្រះបរមសពបានទៅដល់ទីតាំងព្រះមេរុ នៅព្រឹកថ្ងៃទី ០៣ ខែមិថុនា នេះ វត្តមានដ៏ខ្ពង់ខ្ពស់នៃព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ទ្រង់បានថ្វាយព្រះភ្លើងពីព្រះពន្លាជ័យ ក្នុងព្រះរាជពិធីថ្វាយព្រះភ្លើងព្រះបរមសព ជូនសម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព​ វង្ស​​​ សម្តេចព្រះមហាសង្ឃរាជ នៃព្រះរាជាណាចក្រកម្ពុជា។

សូមរំឭកផងដែរថា សម្ដេចព្រះអគ្គមហាសង្ឃរាជាធិបតី ទេព វង្ស យាងចូលព្រះទិវង្គត នៅវេលាម៉ោង ៥ និង ៤០ នាទីល្ងាច ថ្ងៃច័ន្ទ ២ រោច ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី ២៦ ខែកុម្ភៈ ឆ្នាំ ២០២៤ ក្នុងព្រះជន្មាយុ ៩៣ ព្រះវស្សា ដោយព្រះជរាពាធ៕

សូមទស្សនាវីដេអូថ្វាយព្រះភ្លើងនៅខាងក្រោម ៖

https://fb.watch/st56WcDuP5/