ដំណឹងរីករាយ! តារាចម្រៀង អ្នកនាង ទេព បូព្រឹក្ស សម្រេចចិត្តថានឹងដាក់បទ «ទេវរាជ» សម្រាប់ប្រកួតប្រជែង Award នៅក្រៅប្រទេស

ភ្នំពេញ៖ យោងទៅតាមផេកផ្លូវការ របស់តារាចម្រៀង អ្នកនាង ទេព បូព្រឹក្ស ជូនដំណឹងរីករាយមួយសម្រាប់ទៅមហាជន បានជ្រាបថាពេលនេះ តារាស្រីរូបនេះ សម្រេចចិត្តថានឹងដាក់បទ «ទេវរាជ» សម្រាប់ប្រកួតប្រជែង Award នៅក្រៅប្រទេស។

បើតាមការបង្ហោះ របស់អ្នកនាង បានលើកឡើងថា រូបនាងសម្រេចបែបនេះតែម្តងដោយប្រឹងប្រែងអោយអស់ពីលទ្ធភាពទោះជាមិនដឹងថានឹងមានលទ្ធផលបែបណាតែគួរតែសាកល្បង ឈ្នះក៏យើងចំណេញ ទោះចាញ់ក៏យើងមិនខាតនោះដែរ។

បន្ថែមពីនេះ អ្នកម្តាយកូនមួយរូបនេះ បានបន្តទៀតថា គោលដៅមួយយ៉ាងហោចណាស់ក៏អាចបង្ហាញនៅលើ Screen ពីស្នាដៃល្អឯកមួយរបស់យើងដែលផ្តល់ផលចំណេញផ្សេងទៀតតាមរយៈអត្តសញ្ញាណ។ មិនត្រឹមតែប៉ុណ្ណោះ ភរិយា លោក ជី ដេវីត សំណូមពរ បងប្អូនទស្សនា M/V នេះសូមទស្សនាតាមរយៈ YouTube ដើម្បីបន្ថែម Views ក៏ដូចជាសាច់ដុំបន្ថែមនៃបទដូច្នេះដែរ៕