អ្នកនាង ខាត់ សុឃីម បានធ្វើឱ្យអ្នកប្រើប្រាស់បណ្ដាញសង្គមជាច្រើន មានការភ្ញាក់ផ្អើល ដោយនៅសុខៗ អ្នកនាង បានបង្ហោះសារមួយ ហាក់ចង់ផ្ដាំផ្ញើដល់អ្នកសិល្បៈមួយចំនួន

ក្នុងសង្គមសិល្បៈនៅកម្ពុជា គេចាត់ទុកអ្នកនាង ខាត់ សុឃីម គឺជាសិល្បការិនីរៀមច្បងពោរពេញដោយបទពិសោធមួយរូប រហូតអ្នកគាំទ្រដាក់រហស្សនាមថា ជាតារាស្រីចម្រុះទេពកោសល្យ ដោយអ្នកនាងមានសមត្ថភាពផ្នែកសិល្បៈច្រើនមុខ ដូចជាច្រៀងសម័យ និង បុរាណ សម្ដែង ចេះលេងឧបករណ៍ភ្លេងខ្មែរ និង សមត្ថភាពមួយចំនួនទៀត។

យ៉ាងណាមិញ ស្រាប់តែថ្មីៗនេះ អ្នកនាង ខាត់ សុឃីម បានធ្វើឱ្យអ្នកប្រើប្រាស់បណ្ដាញសង្គមជាច្រើន មានការភ្ញាក់ផ្អើល ដោយនៅសុខៗ អ្នកនាង បានបង្ហោះសារមួយ ហាក់ចង់ផ្ដាំផ្ញើដល់អ្នកសិល្បៈមួយចំនួន ដែលចូលចិត្តរិះគន់អ្នកសិល្បៈគ្នាឯងឱ្យគិតគូរសាឡើងវិញ។

អ្នកនាង ខាត់ សុឃីម បានលើកឡើងចំៗថា ៖ «សិល្បៈយើងមានគ្នាតិចណាស់ មុននឹងផុសរិះគន់សិល្បៈគ្នាឯង មើលឱ្យបាន ១០ ជុំ ព្រោះមេរៀននៅមានច្រើនសម្រាប់សិល្បៈ ថ្ងៃនេះគេ ថ្ងៃក្រោយយើងក៏ថាបាន (ពីAdmin) បំណងល្អ សិល្បៈយ៉ាងកញ្ចាស់»។

ការបង្ហោះរបស់សិល្បការិនីរៀមច្បងរូបនេះ គឺជាសារដាស់តឿនដល់អ្នកសិល្បៈមួយចំនួន គួរពិចារណាឱ្យបានច្បាស់លាស់មុនរិះគន់ណាមួយលើអ្នកសិល្បៈដូចគ្នា ព្រោះថ្ងៃក្រោយរឿងនោះអាចធ្លាក់មកលើខ្លួនឯងក៏ថាបាន៕