តារាសម្ដែងជើងចាស់ លោក ទេព រិន្ទដារ៉ូ បានចូលរួមសម្ដែងកំប្លែងរឿងខ្លីៗជាមួយនឹងក្រុម នាយព្រែក ហើយធ្វើឱ្យមហាជនផ្ទុះការសរសើរខ្លាំង
តារាសម្ដែងជើងចាស់ លោក ទេព រិន្ទដារ៉ូ គឺជាកំពូលតារាសម្ដែងខ្មែរមួយរូប ដែលមានប្រជាប្រិយភាពខ្លាំង អាចនិយាយបានថា ភាពល្បីល្បាញរបស់លោកមិនត្រឹមចាស់ៗជំនាន់មុនទេ ដែលស្ញប់ស្ញែងនឹងទេពកោសល្យរបស់លោក សូម្បីតែក្មេងៗជំនាន់ក្រោយក៏ទទួលស្គាល់ពីទេពកោសល្យដ៏ល្អឥតខ្ចោះរបស់លោកផងដែរ ពោលគឺប្រៀបដូចជាផ្ការីកគ្រប់រដូវកាល ល្បីគ្រប់ជំនាន់។
បើនិយាយពីជីវិតសិល្បៈវិញ កំពូលតារាជើងចាស់រូបនេះ បានប្រឡូកសិល្បៈមករយៈពេល ៣៥ ឆ្នាំហើយ។ ក្នុងនោះគេសង្កេតឃើញថាលោក ទេព រិន្ទដារ៉ូ នៅតែបន្តអាជីពរបស់ខ្លួនមកទល់នឹងសព្វថ្ងៃនេះ ខណៈមិត្តសិល្បៈជំនាន់លោកមួយចំនួន ចាកចេញពីអាជីពនេះស្ទើរអស់។
ក្នុងនោះ អ្វីដែលមហាជនកំពុងតែចាប់អាម្មណ៍ខ្លាំងនាពេលនេះ គឺថា លោក ទេព រិន្ទដារ៉ូ បានចូលរួមសម្ដែងកំប្លែងរឿងខ្លីៗជាមួយនឹងក្រុម នាយព្រែក ហើយធ្វើឱ្យមហាជនផ្ទុះការសរសើរខ្លាំង និង កាន់តែធ្វើឱ្យអ្នកគាំទ្រទទួលបានចំណីអារម្មណ៍ថ្មីមួយបែបទៀត។ រាល់សាច់រឿងដែលតារាប្រុសរូបនេះសម្ដែង សុទ្ធសឹងតែផ្ទុះសំណើចក្អាកក្អាយទាំងអស់ ហើយអ្វីដែលសំខាន់ មហាជនសរសើរមិនដាច់ពីមាត់ថា ការសម្ដែងដើរតួបែបកំប្លែងរបស់តារាប្រុសជើងចាស់ ទេព រិន្ទដារ៉ូ គឺប្រកបដោយសីលធម៌គ្មានពាក្យចំអាសចំអូងឡើយ៕
