ក្លាយជាប្រធានសមាគមសិល្បករខ្មែរភ្លាម ជំទាវអ្នកឧកញ៉ា ម៉ៅ ចំណាន ចុះភ្លែត ទៅសួរសុខទុក្ខលោកតា គង់ ណៃ ដល់មន្ទីរពេទ្យ
បើគិតមកដល់ពេលនេះ រយៈពេលជាងមួយសប្តាហ៍មកហើយដែលលោកជំទាវអ្នកឧកញ៉ា ម៉ៅ ចំណាន បានក្លាយទៅជាប្រធានសមាគមសិល្បករខ្មែរ អាណត្តិទី ៦ ក្រោយពីឈ្នះការបោះឆ្នោតកាលពីថ្ងៃទី ២ ខែឧសភា ឆ្នាំ ២០២៤ កន្លងទៅ។
ក្នុងនោះមិនថាសិល្បករ សិល្បការិនីនោះទេ ដែលបានចូលរួមអបអរដល់លោកជំទាវឧកញ៉ា ម៉ៅចំណាន ក្នុងការទទួលបានតំណែង សូម្បីតែមហាជនទូទៅក៏ពេញចិត្តជាខ្លាំង និង បានសាទរចំពោះការឈ្នះនូវតួនាទីរបស់លោកជំទាវឧកញ៉ានោះដែរ។
ដោយឡែក ថ្មីៗនេះ មហាជនអ្នកលេងបណ្តាញសង្គមហ្វេសប៊ុកច្បាស់ជាបានដឹងមកហើយពីសុខទយក្ខរបស់ ព្រឹទ្ធាចារ្រកុសលវោហារ គង់ ណៃ ដែលកំពុងសម្រាកនៅមន្ទីរពេទ្យរុស្ស៊ី។ ងាកកមកកាន់ប្រធានសមាគមសិល្បករខ្មែរថ្មី គឺលោកជំទាវអ្នកឧកញ៉ា ម៉ៅ ចំណាន ក្រោយទទួលបានដំណឹងខាងលេីនេះហើយ គេឃើញលោកជំទាវអ្នកឧកញ៉ាបានចុះទៅសួរសុខទុក្ខលោកតា គង់ ណៃ ដោយផ្ទាល់ដល់មន្ទីរពេទ្យ។
សកម្មភាពនេះដែរ បានធ្វើឱ្យមហាជនសរសើរពីការបំពេញកាតព្វកិច្ច និង ការដឹងពីទុក្ខធុរៈរបស់អ្នកសិល្បៈរបស់លោកជំទាវអ្នកឧកញ៉ា ម៉ៅ ចំណាន យ៉ាងច្រើន។ គួរឱ្យដឹងដែរថា ក្រោយពីចូលកាន់តំណែងមក នេះជាសកម្មភាពដំបូងគេដែលលោកជំទាវអ្នកឧកញ៉ាបានចុះក្នុងនាមជាប្រធានសមាគមសិល្បករខ្មែរថ្មី៕
