អាចទាក់ទងទៅលេខមួយនេះ បើទៅលេងឆ្នេរក្រុងព្រះសីហនុ មានអ្នកចាក់បាស់ឮៗ ឬ ច្រៀងខារ៉ាអូខេខ្លាំងរំខានតាមឆ្នេរ

នៅថ្ងៃទី ០២ ខែឧសភា ឆ្នាំ ២០២៤ នេះ តាមរយៈផេក ប្រជាជនខេត្តព្រះសីហនុ បានផ្ដល់លេខសម្រាប់ប្រជាពលរដ្ឋទំនាក់ទំនង ក្នុងករណីមានអ្នកចាក់បាស់ បើកឧបករណ៍បំពងសម្លេងឮៗ រំខាននៅតាមឆ្នេរសមុទ្រ គឺអាចផ្តល់ព័ត៌មានទៅលេខ 096 723 66 00 ឬ ប្រព័ន្ធគ្រុបតេលេក្រាម ប្រជាជនខេត្តព្រះសីហនុ។

ក្នុងនោះកាលពីថ្ងៃទី ០១ ខែឧសភា ឆ្នាំ ២០២៤ កន្លងទៅ ផេក ប្រជាជនខេត្តព្រះសីហនុ ក៏បានជម្រាបជូនអាជីវករ ភ្ញៀវទេសចរណ៍ផងដែរ អំពីធុងបាស ឧបករណ៍បំពងសំឡេង ដែលមានការបើកសំឡេងលឮៗ រំខានរបស់ពលរដ្ឋ ដល់ភ្ញៀវទេសចរណ៍ផ្សេងៗទៀត ករណីនេះអាជ្ញាធរនឹងធ្វើការដកហូតយកទៅរក្សាទុក ឬ ឈានទៅដល់ការដកហូតតែម្ដង ករណីមិនសហការ ឬ មិនស្ដាប់តាមការណែនាំរបស់អាជ្ញាធរ។

តាមរយៈការបញ្ជាក់ខាងលើនេះ ចាត់ទុកជាការជូនដំណឹងទុកជាមុន ដោយកន្លងមកអាជ្ញាធរបានចុះអប់រំណែនាំ និង ផ្សព្វផ្សាយរួចមកហើយ៕

ប្រភព ៖ ប្រជាជនខេត្តព្រះសីហនុ