លោក ឃុំ ប៉ុណ្ណាដែត បានធ្វើឱ្យអ្នកគាំទ្រភ្ញាក់ផ្អើល បន្ទាប់ពីលោក បង្ហាញរថយន្តស៊េរីទំនើប តម្លៃរាប់ម៉ឺនដុល្លារ បង្ហោះនៅលើគណនីហ្វេសប៊ុក

បច្ចុប្បន្ននេះ គេសង្កេតឃើញស្ថានភាពជីវភាពគ្រួសាររបស់ប្ដីប្រពន្ធកំពូលតារាចម្រៀង យក់ ថិតរដ្ឋា ហាក់ត្រឡប់មកល្អប្រសើរវិញហើយ បន្ទាប់ពីឆ្លងកាត់ព្យុះភ្លៀងនៅលើមុខជំនួញមួយស្របក់។

ដូចគេច្រើនតែលើកឡើងថា ក្រោយភ្លៀងមេឃក៏ស្រឡះ មួយរយៈធំចុងក្រោយនេះ អ្នកនាង យក់ ថិតរដ្ឋា និង លោក ឃុំ ប៉ុណ្ណាដែត ចាប់ផ្ដើមបង្ហាញវត្តមានញឹកញាប់នៅលើឆាកតន្រ្តី ឬតាមកម្មវិធីទូរទស្សន៍ផ្សេងៗ ដោយពេលខ្លះប្ដីប្រពន្ធអ្នកទាំងពីរបណ្ដើរគ្នាជាដៃគូ ហើយពេលខ្លះក៏ចូលរួមច្រៀងតែម្នាក់ឯង។

ទន្ទឹមនឹងការងារសិល្បៈមានភាពមមាញឹកជាងមុន ចំណែកឯមុខជំនួញរកស៊ី ក៏កំពុងដំណើរការយ៉ាងរលូនទៅមុខ ស្រាប់តែថ្មីៗនេះ លោក ឃុំ ប៉ុណ្ណាដែត បានធ្វើឱ្យអ្នកគាំទ្រភ្ញាក់ផ្អើល បន្ទាប់ពីលោក បង្ហាញរថយន្តស៊េរីទំនើប តម្លៃរាប់ម៉ឺនដុល្លារ បង្ហោះនៅលើគណនីហ្វេសប៊ុក ហើយបង្ហាញពីគោលបំណង នឹងចាយញើសឈាមទិញរថយន្តនោះក្នុងពេលឆាប់ៗ ដើម្បីបំពេញបំណងគ្រួសារ។