អ្នកម៉ាក់សម័យថ្មី ដាដាវ ពោះកាន់តែខ្ទាតធំឡើង នៅតែមានមុខមាត់សាច់ឈាមស្រស់ថ្លាផូរផង់ដដែល

បើគិតមកដល់ពេលនេះ ប្រមាណជាជាង ៤ ខែហើយ ដែលតារាស្រីនិយមលេងស្ទីល Fashion ដាដាវ បានប្រកាសពពោះកូនដំបូងក្រោយបានភ្ជាប់ពាក្យជាមួយបុរសដែលខ្លួនស្រឡាញ់រយៈពេល ២ ឆ្នាំជាងមកនេះ។

ស្របពេលកូនក្នុងផ្ទៃកាន់តែមានភាពលូតលាស់ រីឯពោះក៏កាន់តែចាប់ផ្តើមខ្ទាតធំឡើងនោះ ក្រឡេកមកចាប់អារម្មណ៍រូបសម្រស់របស់អ្នកម៉ាក់វ័យក្មេងនេះវិញ នៅតែមានមុខមាត់សាច់ឈាមស្រស់ថ្លាផូរផង់ដដែល។ ជាពិសេសអ្នកនាងតែងតែបញ្ចេញរូបភាពបង្ហោះនៅលើបណ្តាញសង្គមបង្ហាញឱ្យមហាជនមានការចាប់អារម្មណ៍ជាខ្លាំងជាមួយនឹងការតុបតែងខ្លួនលេងស្ទីលថ្មីៗ ប្លែកៗយ៉ាងខ្ញង់ រាល់ការធ្វើដំណើរកម្សាន្តតាមបណ្តាខេត្តនានា។

ជាក់ស្តែង ថ្មីៗនេះ អ្នកម៉ាក់ហាយសូរ ដាដាវ កាន់តែឆាបឆក់ការចាប់អារម្មណ៍ខ្លាំងពីមហាជនចំពោះរូបភាពប៉ុន្មានសន្លឹកក្នុងឈុតសម្លៀកបំពាក់ពណ៌ស បញ្ចេញរាងដ៏សិចសុីជាមួយនឹងកូនក្នុងផ្ទៃយ៉ាងទាក់ភ្នែក​នៅឯសមុទ្រ បណ្តាលឱ្យមហាជនអ្នកគាំទ្រលាន់មាត់សរសើរស្ទើរគ្រប់គ្នាថាពោះកាន់តែខ្ទាតកាន់តែស្អាត៕