ផ្ទុះការចាប់អារម្មណ៍! គូស្នេហ៍ BL ជនជាតិថៃមួយគូ ដឹកដៃគ្នាមករៀបការយ៉ាងធំនៅក្រុងភ្នំពេញ

កាលពីថ្ងៃទី ១៩ ខែមករា ឆ្នាំ ២០២៤ កន្លងទៅ មហាជនអ្នកនិយមលេងបណ្ដាញសង្គមហាក់បង្ហាញការចាប់អារម្មណ៍ជាខ្លាំង ចំពោះកម្មវិធីអាពាហ៍ពិពាហ៍គូស្នេហ៍ភេទប្រុសដូចគ្នាមួយគូ ដែលបានធ្វើឡើងនៅសណ្ឋាគារ សូហ្វីតែល ភ្នំពេញ។

យោងតាមការបង្ហោះជាច្រើននៅក្នុងបណ្ដាញសង្គមហ្វេសប៊ុក បានឱ្យដឹងដែរថា គូស្នេហ៍មួយគូនេះគឺជាជនជាតថៃ ប៉ុន្តែបានជ្រើសយកទីក្រុងភ្នំពេញដើម្បីប្រារព្ធធ្វើពិធីដ៏សំខាន់របស់ខ្លួន ដោយអ្នកទាំងពីរមានឈ្មោះថា «Thanisorn Sethasuohang» និង «James Suebpong»។

ក្រោយពីមានការបង្ហោះរូបភាពក្នុងថ្ងៃពិសេសជាច្រើនពីគូស្នេហ៍មួយគូនេះ មហាជនអ្នកនិយមលេងបណ្ដាញសង្គមហ្វេសប៊ុកជាច្រើនបានផ្ទុះការចាប់អារម្មណ៍ និង ការសរសើរចំពោះគូស្នេហ៍មួយគូនេះ ជាមួយការរៀបចំពិធីយ៉ាងស្រស់ស្អាតមួយ ហើយបានមហាជនជាច្រើនអបអរសាទរ និង ជូនពរដល់អ្នកទាំងពីររីករាយ ព្រមទាំងមានសុភមង្គលជារៀងរហូតផងដែរ៕

រូបភាពដោយ ៖ One Memory