បុរសម្នាក់ស្លាប់ ពេលបញ្ជូនដល់មន្ទីរពេទ្យបង្អែកខេត្តតាកែវ ដោយសារជួបគ្រោះថ្នាក់ ចរាចរណ៍

ខេត្តតាកែវ ៖ បុរសម្នាក់ស្លាប់ ពេលបញ្ជូនដល់មន្ទីរពេទ្យបង្អែកខេត្តតាកែវ ដោយសារជួបគ្រោះថ្នាក់ ចរាចរណ៍ រវាងរថយន្តនឹងម៉ូតូបុកគ្នា តាមបណ្ដោយផ្លូវជាតិលេខ២ ត្រង់ចំណុចក្បែរវត្តតុំ ស្ថិតនៅភូមិត្រាំ សង្កាត់រកាក្រៅ ក្រុងដូនកែវ ខេត្តតាកែវកាលពីម៉ោងជាង៧ព្រឹកថ្ងៃទី២១ ខែធ្នូ ឆ្នាំ២០២៣។ ក្រោយកើតហេតុសមត្ថកិច្ចមូលដ្ឋាន សហការជាមួយនិងសមត្ថកិច្ចជំនាញចរាចរណ៍ នៃអធិការដ្ឋាននគរបាលក្រុងដូនកែវ បានចុះមកវាស់វែងយករថយន្តនិងម៉ូតូទៅរក្សាទុករង់ចាំដោះស្រាយគ្នានៅពេលក្រោយ ចំណែកអ្នកបើកបររថយន្តសមត្ថកិច្ចបានឃាត់ទៅសួរនាំដើម្បីចាត់ការបន្តតាមនីតិវិធី៕