ផ្ទុះការចាប់អារម្មណ៍! ស៊ីន យូប៊ីន ស្លៀកឈុតខ្មែរដណ្ដប់ស្បៃរូបល្ខោនស្រមោលស្បែកធំ បង្ហាញខ្លួននៅប្រទេសចិន

ពិតណាស់ នៅថ្ងៃទី ១៩ ខែធ្នូ ឆ្នាំ ២០២៣ ម្សិលមិញនេះ គូស្នេហ៍តារាសម្ដែងប្រុសស្រីដ៏ឆ្នើមលោក ខាត់ វៃហាំង និង កញ្ញា ស៊ីន យូប៊ីន បានធ្វើឱ្យមហាជនអ្នកគាំទ្រចាប់អារម្មណ៍ជាថ្មី ខណៈបានឃើញអ្នកទាំងពីរទទួលបានការអញ្ចើញទៅកាន់ប្រទេសចិនម្តងទៀត ដើម្បីចូលរួមក្នុងកម្មវិធីសប្តាហ៍ផ្លាសប្តូរវប្បធម៌ និងភាពយន្តកម្ពុជា-ចិន 2023។

ជាមួយនឹងវត្តមានរបស់តារាសម្ដែងប្រុសស្រីទាំងពីររូបក្នុងកម្មវិធីនៅចិនម្សិលមិញនេះ អ្វីដែលធ្វើឱ្យមហាជនអ្នកគាំទ្របានចាប់ក្រសែភ្នែក និង សរសើរខ្លាំងទៀតនោះ គឺចំពោះតារាស្រី ស៊ីន យូប៊ីន ដែលបានបង្ហាញខ្លួនជាមួយឈុតសម្លៀកបំពាក់ប្រពៃណីដ៏ប្រណីតរំលេចរូបល្ខោនស្រមោលស្បែកធំ ពិតជាស្រស់ស្អាតសមសួន និង លេចធ្លោខ្លាំងក្នុងកម្មវិធីនេះ។

ជាមួយគ្នានោះ រូបភាពរបស់ ស៊ីន យូប៊ីន ដែលបង្ហាញវត្តមានក្នុងកម្មវិធីនៅប្រទេសចិន ត្រូវបានមហាជនចែករំលែកជាបន្តបន្ទាប់ភ្ជាប់ជាមួយនឹងពាក្យពេចន៍សរសើរខ្លាំងចំពោះរូបសម្រស់ក្នុងឈុតយ៉ាងប្រណីតរបស់នាងផងដែរ។