ជនបរទេសម្នាក់ ស្លាប់ភ្លាមៗនិងបួននាក់ទៀត រងរបួស បន្ទាប់ពីរថយន្ត២គ្រឿងបុកគ្នា

កំពង់ស្ពឺ ៖ ជនបរទេសម្នាក់បានស្លាប់ភ្លាមៗនៅនឹងកន្លែង ចំណែកបួននាក់ទៀតរងរបួសបន្ទាប់ពីរថយន្តបុកគ្នា។
ហេតុការណ៍គ្រោះថ្នាក់ចរាចរណ៍នេះ កើតឡើង នៅលើផ្លូវជាតិលេខ ៤៤ចន្លោះគីឡូម៉ែត្រលេខ៤-៥ ស្ថិតនៅភូមិតាម៉ុល សង្កាត់ច្បារមន ក្រុងច្បារមន ខេត្តកំពង់ស្ពឺកាលពី យប់ថ្ងៃទី១៣ខែធ្នូឆ្នាំ២០២៣។

មុនកើតហេតុគេឃើញរថយន្តមួយគ្រឿងម៉ាកព្រូស ពណ៌ត្រួយចេក ពាក់ស្លាកលេខភ្នំពេញ2BV-6358 បើកបរទិសដៅ ពីកើតទៅលិច បើកបរដោយ ឈ្មោះ Lu Wei ping ភេទប្រុស អាយុ ៣៥ឆ្នាំនិងអ្នករួមដំណើរ ៤នាក់។
មាន១.ឈ្មោះ jiang Zhi Cheng ភេទប្រុស អាយុ ៤០ឆ្នាំ
២.ឈ្មោះ Wang Shi song ភេទប្រុសអាយុ ៣០ឆ្នាំ
៣.ឈ្មោះ huang Jin ភេទស្រី ៣២ឆ្នាំ
៤-ឈ្មោះ Chang xi Joe ភេទស្រីអាយុ ៣៧ឆ្នាំ(ស្លាប់) ។

ទាំង ៥នាក់ ធ្វើការនៅរោងចក្រ ដំណាប់ស្វាយ នៅភូមិអូគគី ឃុំក្រាំងក្រូច ស្រុកសំរោងទង ខេត្តកំពង់ស្ពឺពេលបើកមកដល់ចំណុចខាងលើ បានបុករថយន្ត មួយគ្រឿងម៉ាក ហ្វូតរ៉េនជ័រ ពណ៌ខ្មៅ ពាក់ស្លាក លេខ កម្ពុជា YSV-1808 អ្នកបើកបរ ឈ្មោះ យ៉ែម សុវណ្ណ ភេទប្រុសអាយុ ៣៦ឆ្នាំ រស់នៅភូមិសំណង់ សង្កាត់រការធំ ក្រុងច្បារមន ខេត្តកំពង់ស្ពឺ (បានគេចខ្លួនក្រោយពេលកើតហេតុ) ។
អ្នករួមដំណើរ ឈ្មោះ កុយ ភេទប្រុស អាយុ ៤០ឆ្នាំ រស់នៅភូមិអង្គសេរី សង្កាត់រការធំ ក្រុងច្បារមន ខេត្តកំពង់ស្ពឺ ដែលកំពុងបើកបរពី លិច ទៅកើត ។

សមត្ថកិច្ចបានបន្តទៀតថាក្រោយកើតហេតុមន្ត្រីជំនាញបានហៅរថយន្តសាមុយដឹកជនរងគ្រោះជាជនបរទេសយកទៅសង្គ្រោះនៅឯមន្ទីរពេទ្យរាជធានីភ្នំពេញ។
ចំពោះវត្ថុតាង យើងបានប្រគល់ឲ្យការិយាល័យចរាចរណ៍ផ្លូវគោកខេត្តកំពង់ស្ពឺរងចាំដោះស្រាយចាត់ការនិតិវិធីច្បាប់ ៕