ឃាត់ខ្លួនជនសង្ស័យ ករណី ជួញដូរដោយខុសច្បាប់នូវសារធាតុញៀន

កណ្តាល ៖ បង្ក្រាបបទល្មើស ករណីជួញដូរដោយខុសច្បាប់នូវសារធាតុញៀន (ម៉ាទឹកកក)

កើតហេតុៈនៅថ្ងៃទី២៣.១១.២០២៣ ស្ថិតនៅចំណុច ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្តាល។

ប្រភពព័ត៌មានបានបញ្ជាក់ថា ដោយទទួលពត៍មានពីប្រជាពលរដ្ឋថា មានសកម្មភាពជួញដូរគ្រឿងញៀននៅចំណុចផ្ទះ របស់ឈ្មោះ ជា ជាតិ ភេទប្រុស ស្ថិតនៅភូមិរាំងដេក ឃុំគគីរធំ ស្រុកកៀនស្វាយខេត្តកណ្តាល។ ក្រោយពីទទួលពត៍មានបានភ្លាមកម្លាំងជំនាញប្រឆាំងបទល្មើសគ្រឿងញៀនស្រុកកៀនស្វាយសហការណ៍ជាមួយប៉ុស្តិ៍នគរបាលរដ្ឋបាលគគីរធំ បានចុះដល់ចំណុចកើតហេតុឃាត់ខ្លួនជនសង្ស័យចំនួន០២នាក់ ÷
១. ឈ្មោះ ជា ជាតិ ភេទប្រុស
២.ឈ្មោះ ជា ពិន ភេទប្រុស

សមត្ថកិច្ចបានធ្វើការឆែកឆែរ រកឃើញម្សៅក្រាមពណ័សថ្លាសង្សយ័សារធាតុញៀន(ម៉ាទឹកកក)ចំនួន០២កញ្ចប់(តូច០១ មធ្យម០១) និងសំភារះវេចខ្ចប់ថ្នាំញៀនមួយចំនួន ចំណែកឈ្មោះ ជា ពីន ភេទប្រុស និងឈ្មោះ ថន ថៃសេង(ហៅទ្រី) ភេទប្រុស បានយកថ្នាំញៀនចំនួន០១កញ្ចប់ធំ រត់គេចខ្លួនទៅក្រោយផ្ទះបាត់ ក្រោយឆែកឆេររួច សមត្ថកិច្ចបានយកជនសង្ស័យទាំង០២នាក់ មកសួរនាំនៅប៉ុស្តិ៍នគរបាលគគីរធំ។

នៅចំពោះមុខសមត្ថកិច្ចជនសង្ស័យឈ្មោះ ជា ជាតិ ភេទប្រុស និងឈ្មោះ ជា ពិន ភេទ បានសារភាពថា ថ្នាំញៀនដែលសមត្ថកិច្ចដកហូតបានគឺជារបស់ឈ្មោះ ជា ពីន ដែលទុកអោយពួកខ្លួនលក់នៅផ្ទះ ហើយថ្នាំញៀនដែលឈ្មោះ ជា ពីន ភេទប្រុស ទុកអោយខ្លួននោះ គឺទិញពីឈ្មោះ ថន ថៃសេង(ហៅទ្រី) ភេទប្រុស អាយុ ប្រហែល២២ឆ្នាំ មុខរបរ មិនពិត មានទីលំនៅ ភូមិពោធិ៍មៀវ ឃុំគគីរធំ ស្រុកកៀនស្វាយ ខេត្តកណ្តាល ហើយ ឈ្មោះ ជា ជាតិ បានសារភាពបន្ថែមទៀតថា ខ្លួនបានរាយខ្សែរលួសជុំវិញរបងផ្ទះ ដើម្បិឆក់មនុស្សណាចូលមករកទិញថ្នាំញៀន មិនអោយលុយ និងមករញ៉េរញ៉ៃក្នុងផ្ទះ និងទុកការពារខ្លួននៅពេលដែលសមត្ថកិច្ចចុះមកបង្ក្រាប។

ក្រោយពីសួរនាំរួចជនសង្ស័យទាំង ០២នាក់ រួមទាំងវត្ថុតាងបានបញ្ចូនមកអធិការដ្ឋាននគរបាលស្រុកកៀនស្វាយដើម្បីអនុវត្តន៍តាមនិតិវិធីច្បាប់ ៕