ស្ទាក់ចាប់ឃាត់ខ្លួនបានពេលកំពុងជិះម៉ូតូរត់គេចខ្លួន បន្ទាប់បានធ្វើសកម្មភាពសំឡុតកំហែងយកម៉ូតូមួយគ្រឿងពីជនរងគ្រោះ ជាស្ត្រីម្នាក់

ខេត្តក្រចេះ ៖ ជនសង្ស័យចំនួន០១នាក់ ឈ្មោះ ម៉ាប់ សីហា ភេទប្រុស អាយុ២៣ឆ្នាំ ជនជាតិខ្មែរ រស់នៅភូមិសែនអភិវឌ្ឍន៏ ឃុំគ្រញូងសែនជ័យ ស្រុកស្នួល ខេត្តក្រចេះ ត្រូវបានកម្លាំងជំនាញព្រហ្មទណ្ឌនៃអធិការដ្ឋាននគរបាលស្រុកស្នួល សហការជាមួយកម្លាំងប៉ុស្តិ៏រដ្ឋបាល២ធ្នូ ស្ទាក់ចាប់ឃាត់ខ្លួនបានពេលកំពុងជិះម៉ូតូរត់គេចខ្លួន ។បន្ទាប់ពីជនសង្ស័យខាងលើនេះ បានធ្វើសកម្មភាពសំឡុតកំហែងយកម៉ូតូមួយគ្រឿងពីជនរងគ្រោះ ជាស្ត្រីម្នាក់។ម៉ូតូម៉ាកវីហ្សិន ពណ៌ស ស៊េរីឆ្នាំ២០១៦ គ្មានផ្លាកលេខ កើតហេតុនៅចំណុចទំនប់ថ្ពង ភូមិថ្ពង ឃុំស្នួល ស្រុកស្នួល ខេត្តក្រចេះ ។
ជនសង្ស័យ រួមទាំងវត្ថុតាងបានបញ្ចូនទៅកាន់ការិយាល័យជំនាញខេត្តចាត់ការបន្ត តាមនីតិវិធីច្បាប់ ៕