អធិការដ្ឋាននគរបាលខណ្ឌទួលគោក បានធ្វើការឃាត់ខ្លួនជនសង្ស័យ ០១នាក់ពីបទលួច (លួចទូរស័ព្ទដៃ០១គ្រឿង)

រាជធានីភ្នំពេញ ៖ នៅថ្ងៃទី១៧ ខែវិច្ឆិកា ឆ្នាំ២០២៣ វេលាម៉ោងប្រហែល០៣:៣០នាទីទៀបភ្លឺ កម្លាំងប៉ុស្តិ៍នគរបាលរដ្ឋបាលទឹកល្អក់ទី៣ នៃអធិការដ្ឋាននគរបាលខណ្ឌទួលគោក បានធ្វើការឃាត់ខ្លួនជនសង្ស័យ០១នាក់ពីបទលួច (លួចទូរស័ព្ទដៃ០១គ្រឿង) ដែលបានឃាត់ខ្លួននៅចំណុចផ្លូវលេខ២៥៥ កែងនឹងផ្លូវលេខ៣១៤ សង្កាត់បឹងសាឡាង ខណ្ឌទួលគោក រាជធានីភ្នំពេញ ដែលបានប្រព្រឹត្តបទល្មើស កាលពីថ្ងៃទី០៣ ខែវិច្ឆិកា ឆ្នាំ២០២៣ វេលាម៉ោងប្រហែល០៣:៤០នាទីទៀបភ្លឺ នៅចំណុចបណ្តោយផ្លូវលេខ២៤៥ ភូមិ២ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។

ជនសង្ស័យឈ្មោះ ញ៉េប លុច ហៅលុច ភេទប្រុស អាយុ១៨ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះជួលគ្មានលេខ ផ្លូវលំ សង្កាត់ស្ទឹងមានជ័យទី១ ខណ្ឌស្ទឹងមានជ័យ រាជធានីភ្នំពេញ និងសំភារៈចាប់យករួមមាន៖ កង់ចំនួន០១ (ជាមធ្យោយបាយក្នុងការធ្វើសកម្មភាពរបស់ជនសង្ស័យ)។ ចំណែកឯជនរងគ្រោះឈ្មោះ ឡេន យ៉ាងហ្វី ភេទប្រុស អាយុ១៧ឆ្នាំ ជនជាតិខ្មែរមុខរបរ លក់ដូរ ស្នាក់នៅផ្ទះលេខ១០៨ ផ្លូវលេខ២៣០ សង្កាត់ផ្សារដើមគរ ខណ្ឌទួលគោក រាជធានីភ្នំពេញ សំភារៈបាត់បង់រួមមាន៖ ទូរស័ព្ទដៃម៉ាក IPhone 13 Pro Max ពណ៌បៃតងចំនួន០១ (ដែលជនសង្ស័យបានលួចយកទៅ)។

បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួរនិងចាត់ការបន្តតាមនីតិវិធី។