ក្តៅៗ! ជនសង្ស័យលួចឡាន ស្ថិតនៅភូមិត្រពាំងកន្ទួត ឃុំបឹងកន្ទួត ស្រុកក្រគរ ខេត្តពោធិ៍សាត់

ថ្ងៃទី ១៤ ខែវិច្ឆិកា ឆ្នាំ ២០២៣ ជនរងគ្រោះបានដឹកឥវ៉ាន់របស់ចិនពីឡែមទៅដាក់នៅពោធិ៍ចិនតុង។ លុះមកដល់ខាងកើតរង្វង់មូលព្រាបស ក៏មានបុរសម្នាក់បានហៅឡានរបស់ខ្លួនជិះទៅភ្នំពេញដែរ ជនរងគ្រោះក៏បានឈប់ឲ្យឡើងដោយគិតថា ជាអ្នកដំណើរហើយក៏បានសួរថា តើអ្នកទៅណា ហើយបុរសនោះក៏បានឆ្លើយថា ទៅភ្នំពេញ ខ្លួនក៏បានដឹកមកដល់ចំណុច ត្រពាំងជង ខេត្តពោធិ៍សាត់ ស្រាប់តែបុរសម្នាក់នោះ សុំខ្លួនឈប់នោម ហើយខ្លួនក៏ឈប់ឡានបើកទ្វាចុះនោមមុនបុរសនោះ ស្រាប់តែបុរសម្នាក់នោះមិនចុះនោមទេ បែរជាចុចឡុក ឡានរបស់ខ្លួនហើយបើកឡានចេញទៅបាត់ រួចជនរងគ្រោះក៏បានហៅម៉ូតូជិតតាម ទើបមកដល់ត្រង់ចណុចគោលដៅត្រួតពិនិត្យច្បាប់ចរាចរណ៍បានរាយការណ៍ជូនសមត្ថកិច្ចអោយជួយឃាត់រថយន្តរបស់ខ្លួន ។

ឃាត់ខ្លួនជនសង្ស័យ ពាក់ព័ន្ធករណីលួចឡាន នៅថ្ងៃទី១៤ ខែវិច្ឆិកា ឆ្នាំ២០២៣ នៅលើកំណាត់ផ្លូវជាតិលេខ៥ចន្លោះគីឡូម៉ែត្រ១៦១ ១៦២ ស្ថិតនៅភូមិត្រពាំងកន្ទួត ឃុំបឹងកន្ទួត ស្រុកក្រគរ ខេត្តពោធិ៍សាត់ ។ ជនរងគ្រោះឈ្មោះ ចាន់ សុខនិត ភេទប្រុស អាយុ ៥៦ឆ្នាំ ជនជាតិខ្មែរ មុខរបរ រត់តាក់ស៊ី រស់នៅភូមិ ស្រែរាំង ឃុំ តាឯក ស្រុក ខ្សាច់កណ្ដាល ខេត្ត កណ្ដាល ។

សម្ភារៈបាត់បង់ ១ រថយន្តម៉ាកស្តារិច ពណ៌ទឹកប្រាក់ ស្លាកលេខ 1BS 1694 ភ្នំពេញ

ជនសង្ស័យឈ្មោះ ឡេង.ចិត្រ្តាភេទប្រុស អាយ ៣៥ឆ្នាំ ជនជាតិខ្មែរ រស់នៅភូមិកំពង់លែង ឃុំថ្នល់ទទឹង ស្រុកក្រូចឆ្មា ខេត្តកំពង់ចាម។

ជនសង្ស័យឃាត់ខ្លួននៅអធិការដ្ឋាននគរបាលស្រុកក្រគរ តាមបញ្ជាឯកឧត្តម កូយ កាន់យ៉ា ព្រះរាជអាជ្ញាអមសាលាដំបូងខេត្តពោធិ៍សាត់ ចុះថ្ងៃទី១៤ ខែវិច្ឆិកា ឆ្នាំ ២០២៣ ដើម្បីរៀបចំនីតិវិធីច្បាប់ ៕