បាញ់ថ្នាំលើបង្កាន់ដៃស្ពាន សមត្ថកិច្ចខេត្តកំពតនាំស្ត្រីបរទេសម្នាក់ទៅលុបចេញវិញ

កំពត៖ ស្ត្រីបរទេសម្នាក់បានចតម៉ូតូ ហើយបានបាញ់ថ្នាំទៅលើបង្កាន់ដៃស្ពានព្រែកកំពង់បាយ ខេត្តកំពត ដោយសកម្មភាពនេះត្រូវថតជាប់ដោយកាមេរ៉ាសុវត្ថិភាព។ នាថ្ងៃដដែលនេះ អធិការនគរបាលក្រុងកំពត បានដឹកនាំស្រាវជ្រាវរកឃើញស្ត្រីរូបនោះ ហើយបាននាំគាត់ទៅលុបចោល និងសម្អាតឱ្យដូចដើមវិញ។
«អ្នកចង់រស់នៅក្នុងប្រទេសខ្ញុំខេត្តខ្ញុំ អ្នកត្រូវគោរពវប្បធម៏និងទំនៀមទំលាប់របស់ប្រទេសខ្ញុំ ចំពោះស្ត្រីខាងលើនេះយើងនិងអនុវត្តនិតិវិធីដោយគ្មានការយោគយល់នោះឡើយ ដើម្បីជាគំរូសំរាប់ជនបរទេសដ៏ទៃទៀតកុំអោយធ្វើតម្រាប់តាម»។ ស្នងការខេត្តកំពត លោកម៉ៅ ច័ន្ទមធុរិទ្ធ បានសរសេរយ៉ាងដូច្នេះនៅលើបណ្តាញសង្គមហ្វេសប៊ុក។