សមត្ថកិច្ចស្វែងរកម្ចាស់សត្វគោចិញ្ចឹម ដែលបង្កឲ្យមានគ្រោះថ្នាក់ចរាចរណ៍លើផ្លូវជាតិលេខ៤បណ្តាលឲ្យបុរស ស្ត្រីពីរនាក់ប្តីប្រពន្ធស្លា..ប់ នោះឃើញហើយ

្រសុកព្រៃនប់៖ សមត្ថកិច្ចស្វែងរកម្ចាស់សត្វគោចិញ្ចឹម ដែលបង្កឲ្យមានគ្រោះថ្នាក់ចរាចរណ៍លើផ្លូវជាតិលេខ៤បណ្តាលឲ្យបុរស ស្ត្រីពីរនាក់ប្តីប្រពន្ធស្លា..ប់ នោះឃើញហើយ។
បើតាមសមត្ថកិច្ចនគរបាលស្រុកព្រៃនប់ ខេត្តព្រះសីហនុឲ្យដឹងនៅរសៀលថ្ងៃ៩វិច្ឆិកា២០២៣ថា ជាជំហានដំបូងភាគីម្ចាស់សត្វគោបានយល់ព្រមបង់ប្រាក់សំណងជូនទៅគ្រួសារជនរងគ្រោះតាមការព្រមព្រៀងគ្នារវាងម្ចាស់សត្វគោនិងតំណាងគ្រួសារជនរងគ្រោះ។

ទោះជាយ៉ាងនេះក្តី សមត្ថកិច្ចអះអាងថា សំណុំរឿងនេះមិនទាន់បិទបញ្ចប់ទេ សមត្ថកិច្ចនឹងបញ្ជូនសំណុំរឿងទៅសាលាដំបូងខេត្តបន្តតាមនិតិវិធី។
សុំបញ្ជាក់ថាជនរងគ្រោះជិះម៉ូតូ ០១គ្រឿងម៉ាក HONDA DREAM ពណ៌ខ្មៅ មានទិសដៅ(ខេត្តព្រះសីហន-រាជធានីភ្នំពេញ) បើកបរដោយឈ្មោះ អេង វណ្ណី ភេទប្រុស អាយុ២០ឆ្នាំ និងអ្នករួមដំណើរចំនួន០១នាក់ឈ្មោះ ណាំ គឹមហុង ភេទស្រី អាយុ២០ឆ្នាំ ពេលកំពុងបើកបរ បានបុកសត្វគោចំនួន០២ក្បាល កំពុងដើរលើផ្លូវជាតិលេខ៤នៅឃុំសំរុងស្រុកព្រៃនប់ កាលពីយប់ថ្ងៃ៥វិច្ឆិកា២០២៣ ៕