កៀកថ្ងៃដាក់បិណ្ឌ! សាលាបឋមមួយនៅភ្នំពេញ មានបង្រៀនកូនសិស្សពីការរាប់បាត្រ កំពុងផ្ទុះការចាប់អារម្មណ៍ខ្លាំង(វីដេអូ)

ថ្មីៗនេះ សកម្មភាពគ្រូបង្រៀនកូនសិស្សពីការរាប់បាត្រ នៅក្នុងសាលាបឋមសិក្សាមួយ នៃភូមិសាស្ត្ររាជធានីភ្នំពេញ បាន និង កំពុងធ្វើឱ្យអ្នកប្រើប្រាស់បណ្ដាញសង្គមនាំគ្នាផ្ទុះការចាប់អារម្មណ៍ និង ចែករំលែកបន្តគ្នាព្រោងព្រាត ភ្ជាប់ជាមួយសារសរសើរមិនដាច់ពីមាត់។

បើតាមការបង្ហោះពីគណនីដែលមានឈ្មោះ Phath Sokha នៅថ្ងៃទី ០៤ ខែកញ្ញា ឆ្នាំ ២០២៤ បានបង្ហាញឱ្យឃើញពីសកម្មភាពសិស្សានុសិស្ស នៃសាលាបឋមសិក្សាទួលគោក បាននាំគ្នាតម្រង់ជួរត្រង់ត្រាប់ស្ដាប់ពាក្យអ្នកគ្រូណែនាំពីការរាប់បាត្រ និង អនុវត្តន៍ការរាប់បាត្រនៅក្នុងបរិវេណសាលារៀន ដែលជាសកម្មភាពគំរូផ្ដល់នូវចំណេះដឹងផ្នែកអាកប្បកិរិយា ប្រកបទៅដោយភាពត្រឹមត្រូវ និង ច្បាស់លាស់។

តាមរយៈសកម្មភាពបង្រៀនសិស្សពីការរាប់បាត្រនេះ បានធ្វើឱ្យមហាជនអ្នកប្រើប្រាស់បណ្ដាញសង្គម នាំគ្នាងាកមកចាប់អារម្មណ៍ទៅលើការអប់រំសិស្ស ក្នុងសាលាបឋមសិក្សាទួលគោក ដែលក្រៅពីសកម្មភាពនៃការបង្រៀនពីការរាប់បាត្រនេះ ក៏មានកម្មវិធីអប់រំចរិយាធម៌ និង ការអប់រំផ្សេងៗផងដែរ៕

ដើម្បីជ្រាបកាន់តែច្បាស់ សូមទស្សនាវីដេអូនៅខាងក្រោម ៖