ACU ប្រកាស រើសអ្នកស្ម័គ្រចិត្ត សង្កេតការណ៍ប្រឡងបាក់ឌុប ៣ ៣១៨ នាក់ ទទួលបានថវិកា ១០ ម៉ឺនរៀល

នៅថ្ងៃទី ៤ ខែកញ្ញា ឆ្នាំ ២០២៤ អង្គភាពប្រឆាំងអំពើពុករលួយ បានចេញសេចក្ដីជូនដំណឹង ស្ដីពីការជ្រើសរើសអ្នកសង្កេតការណ៍ស្ម័គ្រចិត្ត សម្រាប់ការសង្កេតការណ៍ប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ០៨ តុលា ២០២៤ ចំនួន ៣ ៣១៨ នាក់។

ចំពោះការជ្រើសរើសនេះ នឹងឈប់ទទួលពាក្យសុំធ្វើជាអ្នកសង្កេតការណ៍ស្ម័គ្រចិត្ត នៅថ្ងៃទី ១៣ ខែកញ្ញា ឆ្នាំ ២០២៤ ម៉ោង ២៤:០០ និង ប្រកាសឈ្មោះអ្នកជាប់ជាអ្នកសង្កេតការណ៍ស្ម័គ្រចិត្ត នៅថ្ងៃទី ១៨ ខែកញ្ញា ឆ្នាំ ២០២៤។

តាមសេចក្ដីជូនដំណឹងបានឱ្យដឹងថា នៅពេលបំពេញភារកិច្ចសង្កេតការណ៍ការប្រឡង រហូតដល់ថ្ងៃចប់ប្រឡង នៅថ្ងៃទី ០៩ ខែតុលា ឆ្នាំ២០២៤ ម៉ោង ៥ រសៀល នឹងមានការប្រជុំជាមួយក្រុមការងារមន្ត្រី អ.ប.ព. ដឹកនាំការសង្កេតការណ៍រាជធានី-ខេត្ត ដើម្បីថ្លែងអំណរគុណ ជូនវិញ្ញាបនបត្របញ្ជាក់ការចូលរួមសង្កេតការណ៍ប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ០៨ តុលា ២០២៤ ព្រមទាំងប្រគល់ជូនថវិកា ១០០.០០០ រៀល (ដប់ម៉ឺនរៀល) សម្រាប់អ្នកសង្កេតការណ៍ម្នាក់ៗ។

ដើម្បីងាយស្រួលដាក់ពាក្យសុំធ្វើជាអ្នកសង្កេតការណ៍ស្ម័គ្រចិត្តនេះ សូមបំពេញពាក្យសុំ ដោយភ្ជាប់មកជាមួយនូវអត្តសញ្ញាណច្បាស់លាស់ (អត្តសញ្ញាណប័ណ្ណ និង រូបថត) តាមរយៈ Link ឬ QR Code ដែលផ្តល់ជូនដូចខាងក្រោម ៖