គួរឱ្យសោកសង្រេងបំផុត! មួយគ្រួសារមានគ្នា ៦ នាក់ បានស្ល-ា//ប់ទាំងអស់ ក្រោយជួបគ្រោះ-ថ្នា-ក់ នៅខេត្តព្រះសីហនុ

ជារឿងដ៏គួរឱ្យសោកសង្រេងបំផុត ដោយសមាជិកគ្រួសារមួយមានគ្នា ៦ នាក់ បានស្លាប់បាត់បង់ជីវិតក្នុងថ្ងៃតែមួយក្នុងហេតុការណ៍គ្រោះថ្នាក់ចរាចរណ៍ ដែលបានកើតឡើងនៅផ្លូវជាតិលេខ ៤ ក្នុងភូមិសាស្ត្រខេត្តព្រះសីហនុ។

តាមប្រភពបានឱ្យដឹងថា ហេតុការណ៍គ្រោះថ្នាក់ចរាចរណ៍នេះ កើតឡើងរវាងរថយន្តហាយឡែនឌ័រ បុកប៉ះជាមួយរថយន្តកុងតឺន័រ ក្នុងឃុំអណ្តូងថ្ម ស្រុកព្រៃនប់ ខេត្តព្រះសីហនុ វេលាម៉ោងជាង ៦ ល្ងាច ថ្ងៃទី ១៧ ខែសីហា ឆ្នាំ ២០២៤ ដែលបណ្ដាលឱ្យក្រុមគ្រួសារមានសមាជិក ៦ នាក់ បានស្លាប់បាត់បង់ជីវិត ខណៈជនរងគ្រោះដែលជាមេគ្រួសារ ត្រូវបានគេស្គាល់ថាជាស្មៀនឃុំមួយរូបនៅខេត្តកំពង់ចាម។

បច្ចុប្បន្ន សពត្រូវបានបញ្ជូនទៅដល់ស្រុកកំណើតនៅឯខេត្តកំពង់ចាម ដើម្បីរៀបចំធ្វើបុណ្យតាមប្រពៃណី ខណៈបើតាមគណនីសាច់ញាតិដែលមានឈ្មោះ Khema May បានបង្ហោះនៅព្រឹកថ្ងៃទី ១៩ ខែសីហា ឆ្នាំ ២០២៤ នេះ ឱ្យបានដឹងថា សពនឹងដង្ហែនៅថ្ងៃទី ១៩ វេលាម៉ោង ៤ ល្ងាចនេះ ដែលញាតិមិត្តបងប្អូន អាចអញ្ជើញចូលរួមដង្ហែសពទាំងអស់គ្នា៕