លទ្ធផលប្រឡងរើសបុគ្គលិកកិច្ចសន្យា ប.ស.ស ចេញចាប់ពីរសៀលនេះហើយ អាចមើលបានតាមរយៈ ៣ វិធីនេះ

បេឡាជាតិសន្តិសុខសង្គម នៅព្រឹកថ្ងៃទី ១៧ ខែកក្កដា ឆ្នាំ ២០២៤ នេះ បានចេញសេចក្តីជូនដំណឹង ស្ដីពីការប្រកាសលទ្ធផលជាប់ស្ថាពរ និងជាប់បម្រុងសម្រាប់ការប្រឡងជ្រើសរើសបុគ្គលិកជាប់កិច្ចសន្យា ឱ្យចូលបម្រើការងារនៅបេឡាជាតិសន្ដិសុខសង្គម នៃក្រសួងការងារ និង បណ្ដុះបណ្ដាលវិជ្ជាជីវៈ សម្រាប់ឆ្នាំ ២០២៤។

ជាក់ស្ដែង លទ្ធផលជាប់ជាស្ថាពរ និង ជាប់បម្រុងនឹងត្រូវប្រកាស តាមពេលវេលាដូចខាងក្រោម៖

– ផ្នែកលេខាធិការ ៖ សម័យប្រឡងនៅថ្ងៃទី ១៤-១៦ ខែកក្កដា ឆ្នាំ ២០២៤ នឹងត្រូវប្រកាសនៅថ្ងៃទី ១៧ ខែកក្កដា ឆ្នាំ ២០២៤ វេលាម៉ោង ០២:០០ នាទីរសៀល។

– ផ្នែកបច្ចេកទេសអគ្គិសនី-ទឹក ផ្នែកអនាម័យ និងផ្នែកសន្តិសុខ ៖ សម័យប្រឡងនៅថ្ងៃទី ១៤-១៧ ខែកក្កដា ឆ្នាំ ២០២៤ នឹងប្រកាសនៅថ្ងៃទី ១៩ ខែកក្កដា ឆ្នាំ ២០២៤ មុនម៉ោង ១២:០០ នាទីថ្ងៃត្រង់។

ការប្រកាសលទ្ធផលនឹងធ្វើឡើងតាមរយៈ៖

១. គេហទំព័ររបស់ ប.ស.ស. (Website: www.nssf.gov.kh)

២. ទំព័រ Facebook ប.ស.ស. (បេឡាជាតិសន្តិសុខសង្គម)

៣. បិទផ្សាយលទ្ធផលផ្លូវការនៅអគារស្នាក់ការកណ្តាល ប.ស.ស. និងនៅតាមបណ្តាស្នាក់ការសាខា ប.ស.ស. ខេត្ត-ខណ្ឌ ដែលបានជ្រើសរើស៕

សូមអានសេចក្ដីលម្អិតនៅខាងក្រោម ៖