គួរឱ្យរន្ធត់! ប្រទះឃើញបុរសម្នាក់សន្លប់ក្នុងព្រៃ ក្បាលមានដែ-កគោ/លដំជ-ាប់ ត្រូវគេប្រកាសរកសាច់ញាតិ នៅព្រះវិហារ

ជារឿងដ៏គួរឱ្យរន្ធត់ និង ភ្ញាក់ផ្អើលបំផុត បន្ទាប់ពីមានគណនីអ្នកប្រើប្រាស់បណ្ដាញសង្គមម្នាក់ បានបង្ហោះឱ្យដឹងពីករណីបុរសម្នាក់សន្លប់ស្ដូកស្ដឹង នៅក្នុងភូមិសាស្ត្រខេត្តព្រះវិហារ ត្រូវបានគេបញ្ជូនទៅកាន់មន្ទីរពេទ្យ និង រកឃើញថាមានដែកគោលនៅជាប់នឹងក្បាលរបស់គេផងដែរ។

ទាក់ទិនទៅនឹងរឿងនេះ បើតាមការឱ្យដឹងពីគណនីដែលមានឈ្មោះ Eng Chivuthy បានបង្ហោះបញ្ជាក់នៅថ្ងៃទី ១៥ ខែកក្កដា ឆ្នាំ ២០២៤ ឱ្យបានដឹងថា បុរសម្នាក់ត្រូវបានគេឃើញដេកសន្លប់នៅក្នុងព្រៃទៅចម្ការនៅភូមិសង្កែ ឃុំសង្កែ ១ ស្រុកឆែប ខេត្តព្រះវិហារ ដោយមានសភាពក្បាលជាប់ដែកគោល ដែលបច្ចុប្បន្នត្រូវបានខាងមណ្ឌលសុខភាពឆែប បញ្ជូនទៅដល់មន្ទីរពេទ្យខេត្តហើយ។

ស្របគ្នានោះផងដែរ តាមរយៈប្រភពខាងលើ ក៏បានប្រកាសរកសាច់ញាតិរបស់ជនរងគ្រោះ ដើម្បីបានជ្រាបដំណឹងនេះ និង បានទៅមើលជនរងគ្រោះដែលកំពុងសង្គ្រោះនៅមន្ទីរពេទ្យខេត្ត៕