កូនស្រីភ្លោះ នាយក្រឹម និង ស្រីលាភ កាន់តែធំកាន់តែឆ្លាតមានដុងសិល្បៈ ប៉ាៗបង្រៀនឆាប់ចាប់បាន (វីដេអូ)

បើគិតមកពេលនេះ ចំណងដៃកូនភ្លោះទាំងពីររបស់ នាយក្រឹម និង ស្រីលាភ ក៏កាន់តែលូតលាស់ធំឡើងជាមួយនឹងភាពឆ្លាតវៃ និង ស្រស់ស្អាតខ្លាំង ដែលតែងឃើញនាយបញ្ចេញរូបភាពជុំគ្រួសារយ៉ាងមានសុភមង្គល និង សកម្មភាពផ្សេងៗរបស់កូនៗជាទីស្រឡាញ់ទទួលបានការសរសើរពីមហាជន។

ជាក់ស្ដែង ថ្មីៗនេះ អ្វីដែលកាន់តែចាប់អារម្មណ៍ និង ធ្វើឱ្យមហាជនមានការសរសើរទៀតជាមួយកូនភ្លោះទាំងពីររបស់ នាយក្រឹម ក្រោយពីបានឃើញតារាកំប្លែងប្រុសរូបនេះ បង្ហោះវីដេអូពីសកម្មភាពរបស់កូនស្រីបណ្ដូលចិត្តទាំងពីរ ដែលមើលទៅមិនត្រឹមតែស្អាតៗគួរឱ្យស្រឡាញ់នោះទេ កូនភ្លោះទាំងពីរនេះកាន់តែធំ កាន់តែឆ្លាតៗពូកែៗឡើង ថែមទាំងមានដុងសិល្បៈទៀត ពេលលោកប៉ាបង្រៀនលេងព្យាណូអូនតូចទាំងពីរឆាប់រៀនចេះណាស់។

វីដេអូនេះដែរ ក្រោយពី នាយក្រឹម បង្ហោះលើបណ្ដាញសង្គមភ្លាម ធ្វើឱ្យមហាជនអ្នកគាំទ្រចាប់អារម្មណ៍ខ្លាំង និង លាន់មាត់សរសើរមិនដាច់ពីភាពវៃឆ្លាត និង ពូកែរបស់កូនស្រីភ្លោះទាំងពីររបស់លោក៕ សូមចុចទីនេះដើម្បីទស្សនាវីដេអូ៖