(វីដេអូ) អ្នកនាង ពេជ្រ សិរីរ័ត្ន បង្កើតកម្មវិធីជជីករឿងអាថ៌កំបាំង កំពុងផ្ទុះការគាំទ្រ

បើរំឭកកាលពីរយៈពេលជិត ១០ ឆ្នាំមុន ច្បាស់ណាស់មហាជននិយមតាមដានកម្មវិធីកម្សាន្តទូរទស្សន៍ជាច្រើនប្រាកដជាបានស្គាល់ហើយពិធីការិនីល្បីឈ្មោះ អ្នកនាង ពេជ្រ សិរីរ័ត្ន ដែលជាបងស្រីបង្កើតរបស់ពិធីការិនី ជីជី មិនខាន។

យ៉ាងណាមិញ រយៈពេលជាច្រើនឆ្នាំកន្លងទៅ អ្នកនាង ពេជ្រ សិរីរ័ត្ន បានស្ងប់ស្ងាត់លើវិថីសិល្បៈ ដោយបានរស់នៅសាងជីវិតយ៉ាងរីករាយ ដោយសព្វថ្ងៃអ្នកនាងមានកូនប្រុសម្នាក់ និង ស្រីម្នាក់។

ក្នុងនោះ គេក៏បានឃើញអ្នកនាង ពេជ្រ សិរីរ័ត្ន នៅតែត្រូវបានអ្នកគាំទ្រតែងរំពឹងចង់ដឹងពីសុខទុក្ខរបស់អ្នកនាង ដោយពេលនេះអ្នកនាងកំពុងតែមមាញឹកក្នុងការរកស៊ី ពួតដៃរួមគ្នាជាមួយនឹងប្អូនស្រីបង្កើតគឺកញ្ញា ជីជី។

យ៉ាងណាមិញ នៅរយៈពេលប្រមាណកន្លះឆ្នាំចុងក្រោយនេះ គេបានឃើញវត្តមានរបស់ពិធីការិនី ពេជ្រ សេរីរ័ត្ន ក្នុងវិស័យសិល្បៈជាថ្មី ដោយអ្នកនាងបានចូលរួមធ្វើជាពិធីករក្នុងកម្មវិធីធំៗជាច្រើន។

លើសពីនោះ ថ្មីៗនេះ អ្នកនាង ពេជ្រ សេរីរ័ត្ន បានផលិតកម្មវិធីកម្សាន្តថ្មីមួយដោយខ្លួនឯងមានឈ្មោះថា កម្មវិធី «ស និង ខ្មៅ» ឬ Black-White TV SHOW ក៏កំពុងផ្ទុះការចាប់អារម្មណ៍យ៉ាងខ្លាំង។

ជាការពិត បើទោះជាកម្មវិធី  «ស និង ខ្មៅ» ឬBlack-White TV SHOW របស់អ្នកនាង ពេជ្រ សេរីរ័ត្ន ទើបតែផលិតមែន ប៉ុន្តែពិតជាផ្ទុះការគាំទ្រយ៉ាងខ្លាំង ក៏ព្រោះក្នុងកម្មវិធីនោះបានអញ្ជើញតារាកិត្តិយសចូលរួម និង ជីកកកាយនូវរឿងរ៉ាវជាច្រើននៅពីក្រោយការងារសិល្បៈ៕

សូមទស្សនា វីដេអូខាងក្រោម៖

https://fb.watch/r_LRgMVWqY/

https://fb.watch/r_LY_8Iaz2/